ابوذيات تخرب من الضحك

دجاجه يا الحبيبه وانا ديج
واروح لذاك الصوب وانا ديج
ابوج طلب مهر دجاجه وانا ديج
وبيضت من غصبن عليه ..




دخنت من هواكم تتن دنهل وسومر
وقلبي من هواكم زنجر وسومر
احبكم من عهد بابل وسومر
وووولك حتى حمورابي انكسر قلبه عليه ..

احباب اللي نحبهم مارادونا
جفونا وبجفاهم مردونا
ولك صرت طوبه ويلعب بيها مردونا
مدكـــــلي ياكولجي بعد يلحكك عليه

المصايب بس علي تمن
الحاجه العزيزه اليوم تمن
خلصت ولك يالمحبوب تمن
يروح لهله

اوديلك مراسيلي واهمش
واضرب كمت بالوادم واهمش
ادك عليك يمعود واهمش
بالموبايل

النعومه البيه غفله اصبحت خشنه
سمعت احجايه منه حيل خشنه
حبيبي حلو بس المخربه خشنه
جبير

برى خال من اذكرنا وبرى عم
شلون تلاعب اشبالك براعم
الماي البارد يأذي البراعم
( تطك)


يادهري شبيك دوم وياي لزاك
ألزكت بالثوب جنك صرت لزاك
اطب عليك اكفك مثل لزاك

منقول

[الامير العراقي]

ههههههههههه
مشكوره على الابوذيات الروعه
دوم الابداع والتواصل
تحياتي

[امير الاحزان:]

احباب اللي نحبهم مارادونا
جفونا وبجفاهم مردونا
ولك صرت طوبه ويلعب بيها مردونا
مدكـــــلي ياكولجي بعد يلحكك عليه
*************
هههههههههههههه
والله روعة وربي
مشكوره عزيزتي
تحياتي

[سلام الدراجي]

هديل طلعتي انتي بلوه
ههههههههههههههه
رائعه تلك الابوذيات
مشكوره مع تحياتي