ويه كل عيد اليمر بقلمي

[شاكر الهلالي]

ويـه كـل عـيد اليمر اتذكرك وابجيك

لان شخصك وفي ويستاهل الذكرى

ومو لنك عزيز بوحدي ابجي اعليك

مطــلـوب - الـيـحـبك لو خسر عمره

وهذا العـيد اجاني وانه ادير العين

يـدكـَ الباب هـسه وانـثـر البشره

ما معقوله طبعا بس تجي الأفكار

وخيالات الغريــبه تجمل الفكره

هيج انطي احتمال وادري بيه ميصير

معـقوله اليموت يعــود من كـَبــره

وأرد اجدد حزن ثاني وابقه اتاني

ليش باقي بانتظاره وما اجاني

هيج كـَلبي يهون وعيوني ودمعهه

ولاتفكر توصل اتـمـرني بثواني !

بــيــك اسولف

ابـجــي واكــتـب

الـــك وحــدك

في خـيـالــي

وحــدك انــته وماكـو ثاني

ماكو ثــانــي

تحياتي للجميع منشوره في ديواني 0

[مريم جبران عودة]

ما أشجاها من كلمات

حاكت منا الخاطر والوجدان


شكرا لهذا اليراع النابض


والكلمة العميقة


ننتظر جديدكم

[ام فيصل]

حيا الله الهلالي
قصيدة أمل وتمني ومحاكاة للروح
عله يأتي او يمر يوما ما

مااصعب قسوة الحبيب
عاشت ايدك
وشكرا لك ولجميل ماسطرت

تحياتي العظرة

[سلام الدراجي]

ومو لنك عزيز بوحدي ابجي اعليك

مطــلـوب - الـيـحـبك لو خسر عمره

اليحب لو ينطي عمره
لو ايضل بلا حبيب وما يوالف
منقول
ولو انا اختلف بعض الشي ولكن تعبيرك رائع دمت تالقا وابداعا وتواصلا بوركت

[أنثى شرقية]

عاشت اناملك شاعرنا المبدع شاكر الهلالي انا من المتابعين لاعمالك الرائعه
كن دوما بالف خير
تحياتي

[امير الاحزان:]

بوركت اخي لما جاد به يراعك
من روعت الكلم..ونسيج المفردة
لا حرمناك اخي
تحياتي الك

[الوردة الجورية]

سلمت اناملك الذهبية على ما سطرته من أبداع هنا شكراً لك وأنا من المنتظرين جديدك تقبل مروري وتحياتي

[شاكر الهلالي]

ما أشجاها من كلمات

حاكت منا الخاطر والوجدان

شكرا لهذا اليراع النابض

والكلمة العميقة

ننتظر جديدكم

منور الموضوع مشرفنه

شكرا لك لمرورك وتعليقك

أرجو اعادة النظر بالقوانين 0