اخذني يمك...

[ام علاوي]

اخذني يمك بعد ماظل كل عذر لاتعتذر
ليل عمري وعمرك مخلص بعد مابي صبر
خل نلم احلامنه ونحفظ صورهن كبل لاياخذهن بدربه الفجر
وخل نلم الباقيات اسنيني وسنينك
ونسويهن عمر .. وهن ميكفن عمر
ونبدي من جده وجديد بواهس سنين الزغر .. ولو وازانا الكبر
خلي تمشي ايامنه بخطوة العاقل من عثر مره ورجع يمشي حذر
خل نعيش الحب صدفة
خل نضم ارواحنه ابيناتنا اويه اسرارنه ولا نشتهر
وافتخر بيه اويه روحك.. وآنه وي روحي اظل بيك افتخر
حبني .. لتظل تعتذر
خل نسوي العشرة ورقه
ونصنع من الدمعة والضحكه حبر
حتى كل لحظة التمر بالجاي ؟؟ نكتبها شعر
وخل نكول الماضي غلطه .. وذنب يتسجل ذنب من ينذكر
حبني .. لتظل تعتذر
حبني .. واجبرني اعله حبك
الروح ماتعشك لون ماتنجبر
السيف ماينهاب لو ماكو الطبر
حبني.. لتظل تعتذر
واعترف ..راح اعترفلك .. واحنه شو نفس العمر
اثنينه انبعنه بسعر جوه السعر
اثنينه انبكنه حدر شمس الظهر
اثنينه السجين تانتنه نذر
اثنينه اتوهمنه بالحب منتصر
اثنينه انعاني الغذر
واعترف.. راح اعترفلك
كلبي جان شكد جسر .. وآنه جتفت الجسر
وآنه وزيت الحمامه اعله النسر
واسمع السر الخطير...
صنم .. سويته بديه .. وادري ماينفع يضر
وحاطه كبالي وعجيييييبه ..
شوك من عنده انتظر!!!

وانت مثلي بهالعمر
صنم سويته بديك ... شتنتظر؟؟؟
خل نهدم اصنامنه وكافي كفر
وبلكي نهده ونستقر
وبلكت وياك وآنه وياي استمر
وبلكت المامر كبل هسه يمر
وبلكت جناح العشك لبعيييييد ياخذنه ويفر
ونترك الممنوع والميصير..
خل نغط بالماي موصرنه جمر
وبلكي نصحه من السكر
وبلكت المامر كبل هسه يمر
اخذني يمك .. كبل لايخلص صبرنه ويطفى دم وجوهنا وتطلع صفر
اخذني يمك.. كبل لاينحك ذهبها اطباعنا وتطلع صفر
اخذني يمك .. كبل لارمضان يفطر ويفكر العالم مثل جية صفر

مما لامس الوجدان

عودتينا على ذوقج الراقي
بس صار كم يوم اشوف
ويجوز غلطان
القصائد المنقوله هي لشاعر فراتي
وهذا سؤال..
ان كان جوابه لا
فانا متوهم
وان كان جوبه نعم
فاقول الله يديم الاخوه
على العموم اختنا الغاليه
عندما نقرا الاسم وندخل للمشاركه
ونحن على يقين باننا سنرى
شيء جميل
لانك وللامانه صاحبة ذوق راقي
دام احساسك المرهف
ودام ذوقك
وتذكرت اغنيه قديمه تقول
الهجر مو عاده غريبه
لا ولا منك عجيبه
وبالاخير يمكن لان ماجاي اتذكر
اتكول الاغنيه
كلمن ايرده حليبه

لاختي الفاضله كل الاحترام والتقدير
ولاحرمنا الله هذا الذوق الراقي
ودمتي بالف خير

[ام علاوي]

بس صار كم يوم اشوف
ويجوز غلطان
القصائد المنقوله هي لشاعر فراتي
وهذا سؤال..
ان كان جوابه لا
فانا متوهم
وان كان جوبه نعم
فاقول الله يديم الاخوه

وتذكرت اغنيه قديمه تقول
الهجر مو عاده غريبه
لا ولا منك عجيبه
وبالاخير يمكن لان ماجاي اتذكر
اتكول الاغنيه
كلمن ايرده حليبه

الاخ زهير العقابي
بالنسبه للشطر الاول من سؤالك
وبما انك شاعر وضليع بهذه الامور فأعتقد انك قرأت جملتي في آخر القصيده والتي تقول
مما لامس الوجدان
وهذا خير دليل على ان القصيده منقوله هذا اولا
وثانيا اذا كانت القصيده لشاعر فراتي ام ايا كان انتمائه فهل هذا يغير شي؟ بما اني نوهت لنقلي للقصيده
مالضير من ذالك كما أنني حره في نقلي للقصائد المهم اني اكتب كلمة منقول احتراماً للحقوق الادبية

اما بالنسبه للشطر الثاني من ردك والذي هو مقطع لاغنيه قديمه جدا
سؤالي هو.. ماوجه الترابط بين قصيدتي والاغنيه؟؟؟
وهل قصيدتي معناها يتكلم عن الهجر والخطيئه ونكران الصديق او الحبيب؟؟ ايا كان ماتقصد؟؟

ارى انه لا يوجد ترابط وهنالك تناقض بالرد

اعتقد بل وانا على يقين ان قصيدتي واضحه المعنى وان ابسط قاريء سيفهم محتواها
فعجيب امر شاعر مثلك لم يفهمها ؟؟؟ اعتقد هذه هي الكارثه.. الاتعتقد هذا ؟؟

اعذرني عن الاطاله لكنك سألت وانا اجبتك
وفي النهايه
شكرا لهذا الحضور
تقبل تحياتي

[السومري71]

الله ما اجمل اختيارك اختي العزيزة
قصيدة جميله لامست شغاف القلب
فشكرا لهذه الذائقه المتميزة في اختيار كل ما هو جميل
تحياتي

عاشت الايادي ام علاوي الورده
انتي مبدعة في انتقاء الكلمات
قصيدة غاية في الروعه

منتدى الشعر الشعبي ملك الجميع
وهم احرار في كتابة القصائد ان كانت منقوله او غير منقوله
استمري في الكتابة عزيزتي فالابداع لا يتوقف عن المبدعين امثالك
تقبلي تحياتي

[ام علاوي]

الف شكر اخي السومري .. اسعدني حضورك كثيرا
نورت الموضوع
لاعدمت تواصلك الجميل
لك مني كل الود

[ام علاوي]

فارس المنتدى ... لاتعلم مدى سعادتي بتنويرك متصفحي المتواضع
شكرا لحضورك الرائع والف شكر لاطرائك الاروع
لاتحرمني طلتك الجميله
لك باقات الجوري

[فارس الهيجاء]

جميل جدا هذة الكلمات روعة ابو علاوي

تحياتي