كلها من طينه ..نعم..
ماكو اعتراض
بس فرق باجر يروحي عن امس
والخشب نفسه ..
لجن ظلما ُتقاس
خشبة التابوت .. بخشاب العرس
وياحكم ميزان ..
كفّه وبيها روح
وكفه تتوسل على اتراب الرمس
غااااااااااااااااااالي انته ..
وبالذهب ما انصفوك..
وهمه جدااااااااااا غااااااااالي كل ..عشرة بفلس..
*******
ولايهمك ..
ماتلامسها الجفوف
شما تهمّش ..عاليه هواااااااي الشمس
انته تاج ..
وتعله هامات الملوك
واليضدك.. بالجدم ما ينلبس؟!
تبّدي قطرات الندى ..
بوجن الورود..
وجرّة الكرهوك .. ابد ماتنترس
لولتك..
كل لوله ماعدهم عليك
وعيبك ..العايب فقط منك يحس
انت نسمه ..
تشمك انفاسي بحنان
وهمه لكَمه غاص .. لابد تنجلس
وجسد انا وداعتك .. يالبيه روح
ويصبح الجنازة الجسد ..
بعد النفس
بقلم الشاعر المبدع علي العابدي