شجون الذكرياات
كَالوا كَمر كَلت الكَلب شيصبْرَهْ
كَالوا بدر كَلت البدر نوره منْسَفْح صدره
مثل شط العرب لوْ مرّتْ الحسره
عليك أعتب ولك مني ألف بوسه
وخلْ خدود شطك عسل وخلْ تنام
كلّ أعضايْ وأضل أعتب وأعتب
ذبْتْ بالفركَه وصار الناي معزوفهْ حزن
والعمر ولّى وراح ما يدرا
وكَلت يمكن دموعي تعالج الحسره
ومحبوبي هناك بعيد بعيد ولا أدري
أشوفهْ يوم وتقر عيني على البصره
كَالوا كَمر كَلت الكَلب شيصبْرَهْ
تحب الريح تحمل ريحة النرجس
وتشب النار بقليبي وتهوجس
وأسأل عن حبيبي بعدهْ يمشي بدروبي ؟
بعدَهْ ع الوفا معاهد أعرفَهْ مْنْ ترف عيني
أعرْفَهْ بسمة الأيام شهد الورد والريحان
شفتْ روحي تناجي قريتي عويسيان
أم الشهد أو الوفا والشجعان
مشيت أعتب على روحي صفيتي وين ؟
بدار الغربة حلْ رحلي ودموع العين
راح العمر وكل العمر أتغنى بهوى الشّطّين
كَالوا كَمر كَلت الكَلب شيصبْرَهْ
بدجلة آه يا دجلة وفرات الحب على الخدين
ومن شط العرب حبال الروح محفوفه
وبورد مرسوم ع الخدين أشوفك وعد روحي
ولا أنسى حنانك ومن عينك تصب نيران
بكَلبي وأكَلّك زين
وأحس النار من إيدك تلمس إيديني
وعلى صدري تمر بهداي عليك الله
لا تْعابيني لا تْعابيني
يمر بعيون نعسانة حلمانة بحلم غركَان
لا هُو جارة الوادي ولا هُو سيدي السفّان
كَالوا كَمر كَلت الكَلب شيصبْرَهْ
أكَلّكْ شْسوّى بكَليبي سحر ساحر ولا شيطان
يعد لليل بنجومَهْ ويكسر دفّة الربان
أحبه مْنْ يعاقبني مْنْ يسلب ماي العين
مْنْ يتحدى الشجر وسهيل
مْنْ يمشي بظلام الليل
من ماي الورد رشّها على خدوده وعطر الهيل
حكايات العمر من رمشة عيونه
شلون الناس يلوموني ولا يلومونَه
تخاف الخلكَـ وتهابَه وأضل سهران لعيونَه
غصن ريحان بدر أول شهر طوفان
كَالوا كَمر كَلت الكَلب شيصبْرَهْ
وعلى سعف النخل منكتب إسمه ويعرفونه
نديمي وزهرة ايامي غرامي ومركب جنوني
أحن بروحي وبكل هاجس إلك ولهان
أعيش بعتمة أيامي بعواصف ما لها وديان
كتبت لك بكل معاني الحب والغربة والنسيان
وغربتي منبع أشعاري بهوى البصرة يا إنسان
كَالوا كَمر كَلت الكَلب شيصبْرَهْ
محمد شرف الشريف المدلي
عمدة التوبي السابق \ القطيف
المملكة العربية السعودية