تذكر ؟؟ .. نص غنائي
من چنت اني اسكن كَلبك
والعين مو عندي عندك
واذكر يومية احبك
..
ايام اسهر على بابك
واصبر اتمنة اشوفك
ارجف لمن نتلاكَة
وارجف اول ما عوفك
..
..
يا ليل فدوة لا تخلص
الليلة هواية تهمني
اصبر واشرحلك اني
الليلة محبوبي يحبني
..
كل يوم اني اشتاكَ اكثر
اشتاكَ وانتة باحضاني
واصرخ الله اكبر
شوكَك ولك أذاني
..
..
شتضن اني اكَدر ابعد ؟؟
مكَدر حتة باحلامي
وصدكَ لو عني تبعد
ما عدهه دونك ايامي
..
شوكَي وعيوني وروحي
كلهن تسألني شلونك
وسنيني وباقي جروحي
كلهن فدوة لعيونك
..
..
محمد العبيدي
رد: تذكر ؟؟ .. نص غنائي
يسلم قلمك عالقصيده الرائعه
وتقبل أحلى تحياتي 0
رد: تذكر ؟؟ .. نص غنائي
احسنتم اخي العبيدي قصيده رائعه
رد: تذكر ؟؟ .. نص غنائي
رد: تذكر ؟؟ .. نص غنائي
المشاركة الأصلية كتبت بواسطة شاكر الهلالي
شكرا لك يا هلالي
تحية
رد: تذكر ؟؟ .. نص غنائي
شكرا لمرورك
الذين يشاهدون الموضوع الآن: 1 (0 من الأعضاء و 1 زائر)
ضوابط المشاركة
رد مع اقتباس