استراحة الشعر والشعراء وكل احباب الشعر الشعبي ترحب بكم احبتي

[شهد الاسدي]

الجمال البيك ما مثله جمال
وتدري منك غار بستان الورد
إنته ربك ميزك عن العباد
تطلع بتموز يكتلنه البرد

[شهد الاسدي]

ماأريدن يجهد السانك كلام
آنه أفتهمك إذا تهمس همس
اليوم ماشفنه شمس وكت الشروق
ليش ماتصعد تصير انته شمس

[شهد الاسدي]

إكتب ياقلم خل تشهد الايام
والتاريخ شاهد يبقى عالساحة
الثابت بالگلب ماينمسح للدوم
إلا الگلب نفسه يصير مساحة

[شهد الاسدي]

ياباقة ورد أهديلك انته شلون
الورد منك خجل مايدخل السلة
لأن مثلك ورد منوجد في هالكون
إذا إنته الورد في عالمك كله

[شهد الاسدي]

شاعر عاش عمره بحسرة العوز
وشاعر بالترف من عاش عمره
شوف انته الفرق مابين الاثنين
ياشاعر تحس من تقره شعره

[شهد الاسدي]

كون ايصير كلشي بعمري مگلوب
وارضه بكل شي يطلع عن أصوله
كون اول حياتي الكبر والشيب
وآخر لحظة من عمري الطفولة

[طيبة النجف]

جدمي عطل بوداعك ولاسار
وكلبي مافرح بعدك ولاسار
فديته بعيني أليمنه واليسار
عمن يوم مر فركاك بيه

[طيبة النجف]

اصد وزعل ودير العين طبعن
بسبب لجمات لك بلگـلب طبعن
حلو وتنحب لكن بيك طبعين
تشك وتغار من روحي علية