استراحة الشعر والشعراء وكل احباب الشعر الشعبي ترحب بكم احبتي

[شهد الاسدي]

گمت اغار اهواي من عندي عليك
وأي جزء مني عليك يعاني
ولأن يحچي اهواي وياك اللسان
گمت اسولفلك بدون الساني

[شهد الاسدي]

اقبل اي جرح بس جرح الاحساس
يظل ينزف عمر لو بشر داسه
ميضوج الورد لو داسته الناس
بس يضوج اذا الفلاح داسه

[شهد الاسدي]

بذاكرتي مسحتك واسمك انته انزال
وانسيت الغرام وتيهت دربي
وفجأة اذكرت وگليبي ظل يهواك
ثاري اسمك طلع مستنسخه بگلبي

[شهد الاسدي]

عليك شگد اخاف شگد اداريك
حبيبي اتمنه داخل گلبي اضمك
إذا مو إنته بيها الدنيه شتفيد
ولك همزين ابوك اتزوج امك

[شهد الاسدي]

ماأريدن يجهد السانك كلام
آنه أفتهمك إذا تهمس همس
اليوم ماشفنه شمس وكت الشروق
ليش ماتصعد تصير انته شمس

[شهد الاسدي]

يالوصفك مدارس جيل يتبع جيل
وحسنك صار منهج حتى للروضة
خصرك درس اضافي وعالدروس امتاز
عفنه دروسنه وبس درسك نحفضه

[هدار سامي شياع المنصوري]

عذرا ما امدحك خايف من الناس وتدري الناس عدهه احلوك مفتوحه لانك روحي انته وخايف ايكولون شكثر مجنون هذا ويمدح ابروحه شكرا لكِي وتقبلي مروري

[هدار سامي شياع المنصوري]

بكثر شوك النخل والشجر هميت
المبعد لاتحسبه عدل هميت
تجي لاتضن ابعسر هميت
اهم ابفركتك صعبه عليه