استراحة الشعر والشعراء وكل احباب الشعر الشعبي ترحب بكم احبتي

[شهد الاسدي]

صحرة ومتانين ماتمطر شجاك
تدري عطشانين الك منذ الأزل
وانته رحمة ونزلت اعله امك وابوك
واعله هاي الفقرة ظيم الله نزل

[شهد الاسدي]

أريد اكتب شعر بوصافك ومحتار
شكتب عن اشفافك لو كحل عينك
إذا كلك حلو وبالوجنة نور ونار
يمكن من حليب الله خلق طينك

[شهد الاسدي]

واجب انبوسك إذا مرينه بيك
ايطبه طوب الخلفك لو مارضه
ايحطك ابيته ويظل قافل عليك
ومن وره الشباچـ ونبوسك قضة

[شهد الاسدي]

من اجروحك أنه الماچنت امِل مليت
وجبل شوگي تبايد ونهدم سفحه
ومن گد مافتحنه لغلطتك صفحات
بسجل اوراق حبك مابقت صفحة

[شهد الاسدي]

أحبك ماأحبك والله حرت اوياي
بيك آنه حرت وانته ولا چنك
ساعات آنه اگولن آنه احبك ليش
وساعات آنه اگولن ليش احبنك

[شهد الاسدي]

لاتدنگ عالذهب لو شفته طاح
هوه يخضعلك إذا شافك قنوع
وجوة تمثال الثلج لاتستراح
لأن بس تطلع شمس لازم يموع

[الكناري يونس الجبوري]

[شهد الاسدي]

گد ما أحبك بس اسولف بيك
وگمت بيك آنه اسولف حتى بالسكته
من سألوني شسمك تعرف شرديت
بسمك جاوبت حتى اسمي تمن يهته