هديتي للاخ ابو حيدر وللجميع الا واحد

[الكناري يونس الجبوري]

اليريد ايلوح نخلك خله شيلوح
ييونس انت فوك الفوك موجود
عالي وعزتك ما الها مقياس
يبو طبع اليفيض الطيب والجود
ميهمك كلام القيل والقال
ولالعب الزغار المالهم عود
شاعر انت شاعرواليمر بيك
الف كلمه التمره وبيك كل زود
يطيب انا اخوك وكول شتريد
على راسي اجيك وكلكم اشهود

الطيب شاعرنا المبدع دمت متالقا قصيدة ارتجاليه مهدات مني لك مع ودي اخوك الشاعر يحيى الحميداوي

انا وعزة محمد مستحي حيل ولا عاش اليغثني وانت موجود
ونعم منك يخوي معطر بهيل ونعم من هالشوارب ومن الزنود
ابي يدرك بانا فوگ السهيل تعلينا ومقامه حدر نمرود
اذا صارت حرب نلفيه زافات عراقيين احنا ونعم الجنود
الغدر منه طبيعه وعاشت وياه ونظل احنا بكرامه وعند الحدود
واذا يخلص حچينا وما بقى اشعار طفلنا يثور بينا يصير بارود


اخوي الغالي الشاعر يحيى الحميداوي
والنعم منك ومن اهلك عز الله انك گدها وگدود
تسلم عالمرور الطيب اخي الكريم
لاعدمناك
تحيتي لك

[السومري71]

اخي العزيز ابو ذنون
قصيدة اعتقد اصابة الهدف اوما عاش اليزعلك
وكل مشكله واله حل
والك هذه الأبوذيه هديه
يصاحب لو لگيت الزين وده
وصير اوياه گلب بگلب وده
اشكثر جاب الزمان اشكثر وده
ولامثلك يمر طيب عليه

تحياتي وتقديري

[طالب الناصري]

الله يديم جسور الموده
بين كل ابناء الفرات ياربي

[شاكر الهلالي]

والنعم منك ومن اخوالي الجبور

قلت فابدعت ووصفت فصدقت

لك حبي وتحياتي وتسلم الايادي 0

[عباس الفرطوسي]

ماشاء الله ... الابداع والجمال والرقه والسلاسه .. كلها مجتمعه في هذه المساجله الرائعه بين اروع الشعراء .. تحياتي لكم