استراحة الشعر والشعراء وكل احباب الشعر الشعبي ترحب بكم احبتي

[جــبروت رجــل]

يغم وكتي عله حبلك منشراني
بعتني بسوك غدرك منشراني
اذا صاج انت جفك منشراني
وحك ربك اكطعه العال بيه

[طيبة النجف]

تصح أيد اتصير أيدك
تسطر الي سطر خدك
لكن ايدك يا هظيمه
تنگلب وتصير ضدك
الشاعر
احسان القريشي

[طيبة النجف]

أباوع بالوجوه ...
أمزنجره من الظيم
بس وجهك أشوفه يلالي بشمسه
تعبني الصبر ...
والحزن بيه جبال
وجبال الحزن بالروح منغرسه
طايح من أمس لليوم ...
وعيون الشماته بحالي متونسه
أوديلك جرح ...
ما نزف دم والله
ظل ينزف صبر حد ماكطع نفسه

للشاعر غالب الحيدري

[طيبة النجف]

اريد افتح وياك باب الاعتاب
واكفر بالعشك لو بابه سدة
صاير ماتحس كلش هاليام
وحيل تغيرت بيك المودة
رد كلمن يجيلك وجنحة مكسور
بس مكسور خاطر لاتردة

[طيبة النجف]

الحكومة انطت شعبها ارقام وارقام
حتى المواطن ايخابر ويشرح همومة
شعب خارج نطاق التغطية يعيش
اذن شيسوي بارقام الحكومة

[طيبة النجف]

صافي ودادك عسل بالحسن صــــاير ملك
مد ايدك اعلة الكلب من عندي اخذة ملك
قابل جديد الكلب هو ملني مــــــــــا ملك

عينك تذوب البشر عني الحـــــــــزن لافتة
لا وحدة اني احـــــــــــــــب وتحيرت لافتة
راح اني اشيل الكـــلب واكتب علية لافتة
عذروني احـــــبن ترف من الله نازل ملك

[طيبة النجف]

يم كل ضلع ينراد ضلعين اخلي
حتى الزم الدلال من يمر خلي

[ابو نرجس الحلي]

[quote=طيبة النجف;1037514]

يم كل ضلع ينراد ضلعين اخلي


حتى الزم الدلال من يمر خلي
لا..الكلب حساس متلزمه الضلوع
لو زاد بيه الشوك من وحده يموع
دارمي جميل ومعبر
تقبلي مروري واحترامي