استراحة الشعر والشعراء وكل احباب الشعر الشعبي ترحب بكم احبتي

[شهد الاسدي]

السر بمحبتك من اريد انساك
شما أنساك احبك أكثر وأكثر
أنسه وأنشغل وبعزة النسيان
أتذكر نسيتك وارجع اتذكر

[شهد الاسدي]

شفتك مشتعل ردت آنه اطفيك
ولأن رجلية ميته ازحوف اجيتك
ومشلولة الإدين وصعبة اشيل الماي
افتحت شريان گلبي وبيه طفيتك

[شهد الاسدي]

نضحك بالچذب ونضمضم الدمعات
ومكابر نشد احزامنه البايد
چم دوب الصبر نگضي العمر صيام
والعيد اليمرنه اتقشمر انعايد

[شهد الاسدي]

بيه كل التعب من هذا الزمان
تعب اكبر من حدودي وطاقتي
ردت آخذ راحتي مرة ابتليت
طلع واحد غيري ماخذ راحتي

[شهد الاسدي]

القناعة اتضيع مني امن التقي اوياك
وعيني لشوفتك ماعاد تكفيني
ولأن يرادلك عين بكبر بغداد
راح بإيدي اوسع خارطة عيني

[أنثى شرقية]

السلام عليكم
وكل عام وانتي بالف خير عزيزتي طيوبه
وعاشت اناملك لتلك الفكرة الرائعه والمميزة واتمنى التفاعل من الجميع

وان شاء التواصل الدائم

ربي يوفقك
تحياتي

[أنثى شرقية]

مثل طول الليالي عندي اجروح
واشك الليل اطول من جروحي
لان الليل حده الصبح ويروح
وانا جروحي عمر ضلت بروحي

م\ن
كل الي اقدمة الكم منقول

[طيبة النجف]

راح ادخل حرب صبرك بدون سلاح
واشمت بيـك كل ألما يگـدرونك

وأجبرك تنسحب متعذب ومكسور
واشلع ضحكتك من لمعة سنونك

شكرا حلومة
ويارب يتواجد جميع الاعضاء
منقول او غير منقول المهم جميل الشعر نلكاه اهنا
انريد روح الحب والتفاؤل وكل شي جميل