يا جماعة والنبي احنا عدنا بستان جنة من ها الجنان
بيها ما تشتهي الانفس والفواكه الوان
والأرض مفروشة سُندس كلها ورد وريحان
وبينها الانهار تجري مثل دجلة والفرات
لون ميهن لون خمري مو خمر ماء الحياة
لكن اللي يدري يدري واكثر العالم متدري
سرنا محد يدري بي
وقف ها البستان ذُري صايرة للاجنبي

يا بلاد العرب جددي عهد النبي
... اقدمي لا ترهبي
... يا قوم امسى موطئاً للاجنبي
من اقاصي حضرموت لأقاصي المغرب

يا جماعة والنبي هذي والله بستان ما ملكها انسان
وحنا يا وسفة اهلها تاركيها من زمان
دشر كلمن جا دخلها صايرة خان جران
بابها مفلش مهدم والحرامية تحوف
وطوفها معرعر مثلم واكعيلك بيها حوف
والنواطير النشامة ذولة حلوين الجهامة
صلوات على النبي نامين شلون نومة مستريحة بمذهبي

يا جماعة والنبي هذي والله بستان تمناها رضوان
كلنا مولودين بيها من نزار وقحطان
دار سكنى وساكنيها ولد عم واخوان
جنا عصبة شكد قوية جنا نرعد للرعود
ومن لفو ها الحرامية وفرقونا بها الحدود
صبح الراعي رعية وصرنا كلنا نأدي جزية
يا عرب للاجنبي
وانطفت ذيج الحمية والزلم لبسوا عبي

يا جماعة والنبي هذي والله بستان هواية الها عدوان
طامعين الناس بيها من زمان الرومان
غدت يا وسفة عليها اليوم وكر غربان
وحنا اسم الله علينا كاتلتنا الزعامات
ملتهين بقال وقلنا وبجدل ومهاترات
يا عرب محنتنا محنة بعضنا يضادد بعضنا والثمر للاجنبي
ييزي مو والله انظلمنا والظلم من يرضى بيه؟

يا جماعة والنبي من حقوق الانسان بالعرف والاديان
يعيش حر الفكر حر الراي حر اللسان
يعيش آمن مطمئن البال كائن من كان
لكن الظالم تجبر سلب حقوق العباد
وانظوه كلبه على الشر عاث بالدنيا فساد
والظلم لو دام دمر يحرك اليابس والاخضر واللي ما يصدك غبي
ياعرب الله اكبر امة العرب سبي..
عاشت الايادي حبي الزير سالم مع كل الاسف هذا حال كل حكوماتنا و قياداتنا العربية متصدك تكعد عالكرسي و الكعدة كعدة عبالك حاطين سيكوتين بهذا الكرسي الاكشر ، اني حبيت انقلك كلات اغنية البستان للفنان المرحوم عزيز علي لان كلماتها عالجرح وبيها معاني كلش قوية ، بوركت اخي الغالي على كل هذا الابداع مع كل حبي واعتزازي واحترامي لك يا وردة