كل عقلــــك اعوفــك وآنا بــــي روح
وأنا المـــا چنــــــت احلـم ان اشوفك

صدگني يكرســــي وآنــــــي مطروح
اظل لازگ عليـــــك ومــــــــا اعوفك

شحلاتك گعدتـــــك تشــفيلي الجروح
يبعد چفوفـــــــي احضنـــــي بكفوفك

حبي صــــار ألك مكشــوف مفضوح
ابد لتخــــاف ابد ميهمنــــــــي خوفك

ادمر لاجلـــــك الدنيــــــــا والصروح
وظرفي صـــــــار يتطلــــــب ظروفك

رصيدي يعوزه وآنا الصـوت مبحوح
وعلى شاطـي الطمــــع تمتد جروفك

واذا فوق الروابــــي صـارت سطوح
افلشــــــها واســـــــــــــويها سفوفك

يا كرسي الســـــعاده تظـــــل ممدوح
وتظل اللگـــلگــــه اعتــــــى سيوفك

ويظل بيــــــك القرار وســاح مفتوح
ولأبني تبقـــــى بعـــــدي وما يطوفك

يجيك اكثر من اهلي صدره مشروح
ويظل هيكـــل علـــيك يحـب صورفك

كل عقلــــك اعوفــك وآنا بــــي روح
وأنا المـــا چنــــــت احلـم ان اشوفك





الكناري
يونس الجبوري
4/10/2010