مني ... وبيه

بمسحاتي وحفروا من گاعي وگطعوا عن شتلاتي الماي
حافوني وباگوا محصولي تايه خلوني بلا راي
مني وبيه وزين أعرفهم لا غربه ولا همه عداي
بس ما گاعد حظي وياهم شيعدله الحظ بدنياي
بمسحاتي وگطعولي هروشي وضيعوا تعبي وتعب صباي
وضيعوا كل أحلامي الحلوه وكل عمري الحاضر والجاي
حوبة مظلوم تعثرّهم بس الله اليدري أبلواي
موجود الما تغفه عيونه وحاشى الله يفوتلهم هاي

رائع يا شاعرنا المبدع عباس الفرطوسي
مشاعر جياشة وصور تتحدث على شفاه الابيات
وكانها تعزفها اناشيدا خالدة

والله يمهل ولا يهمل

دمت لنا سالما

[عباس الفرطوسي]

رائع يا شاعرنا المبدع عباس الفرطوسي
مشاعر جياشة وصور تتحدث على شفاه الابيات
وكانها تعزفها اناشيدا خالدة

والله يمهل ولا يهمل

دمت لنا سالما

مرورك الرائع على كلماتي يسعدني واعتبره شهاده كبيره من مبدع بحقي ... شكرا لك اخي دكتور هاشم