طبعك مر.....زهير العقابي

طبع بس ياطبع جمدوب
تغضب لو هوى ايمرك

تتلاوه ويجف الموت
وعزرائيل ميهمك

يوج بيك الغضب جتال
ولواء اجيوش متردك

تتلاوه ويه نفسك تسبك الموت
وتتلكى الرصاصات برحب صدرك

جبح حرمه التمثل دور الجويدات
وجبح ليل المسامر لو يغدرك

بس طوعه بشرفها ايخلد التايخ
حمت مسلم ورادت كون يفتك

وبس خنسه بشرفها اتفرح اليحجون
صخرقبقابه مابين الصدر يلزك

وبس ليلى ويه قيس اتحملت اهات
وشدت عالكلب اهات ما تفتك

هسه الحب جماعي والحلو مرغوب
وكون بكامري شخصه ايتتكتك

تبيع الحنطه كلمه والسلوك شعير
تنصبلك شرك وتتمنى بيه تشرك

انت اول حب تكلك واهلي مايرضون
لجن لجلك ابيع الكون واتحرك

تخابرها انتظار الليل كله الفات
تكلك خالتي وشبيك عندك شك

يعمي لو سكتنا المعنى موش ازواج
صبر جندي لعبوه وصعب تتفكك

خلاصة مابقى ما ظل بعد زوج
لتريد الزواج اتكول احبنك

خل تخلص وشوف العاقبه شتصير
نهد الكون كله لو بشر مسك

عمي انحبك احنه وحك راس حسين
بس عدل اسلوبك وشويه بطل الشك

اخي العزيز العقابي
كلمات بمنتهى الروعه والجمال
دمت على طريق الابداع
ودام لنا قلمك

[الكناري يونس الجبوري]

صح لسانك ملايين يالغالي
وربي ابداع وعاشت ايدك
الله يعين عليهن هههه
دمت بهذا التألق
تقبل مروري المتواضع اخوي زهير
طال عمرك
تحيتي لك

[ام فيصل]

قمة ,,, قمة ,,, يانخلة العراق الشامخة
ومزيد من الإبداع والإبهار لنواظرنا ,, وارواحنـا
احساس جدا رائع ووصف حارت الكلمات بتقييمه

دمت للفرات ,,, مبدعا

[ام علاوي]

سيدي الرائع

زهير العقابي

ابحرت مع حروفك في بحر ابداعكـ

لاجد اصدق المشاعر

وارق عاطفه..... واجمل كلمات

فسكنت بين ثنايا الورقه..

علني الامس روعه كلماتكـ..... ويا لها من كلمات

اسكتتني.... واخرست قلمي ..

سلمت على جودك... ولطفكـ... وجميل احساسكـ

لك مني باقات البنفسج و النرجس

لروعتكـ ايها المتألق

دمت بود~~

[الشاعر جلال البطاط]

ههههههههههه تسلملي حبيبي زهير...بس هاي انتة شقد حاقد عالحب والبنات ههههههههههههه تحياتي الك ياوردة.

[أنثى شرقية]

جميل ماصاغه يراعك اخي الكريم
تحياتي لك

[quote=أيليا الغانمي;928909]اخي العزيز العقابي
كلمات بمنتهى الروعه والجمال
دمت على طريق الابداع
ودام لنا قلمك

ايليا الغانمي
تواجدك هنا
زرع السمة على شفاه العقابي
لك ولشخصك الغالي الف تحيه
دمت بالف ود