اما انا فكنت جالس امام هذا الموضوع الذي اعتبر عندي افظل مواضيع منتدى الفرات
اما بعد (راح احجي بالعاميه)
عزيزي ابو ذر الغفاري انت تحجي بالدين والامام علي عليه السلام
ليش من الامريكان الملعونين ضربو الامام علي عليه افضل السلام مطلعت تحارب ولو انت تعرف ان صدام حسين ( طبعا اني ما ادافع على احد بس احجي الحق) ضرب الامام علي ليش محجيت هذا يا عزيزي يسمونه جبن
انت تحجي بالشرف والعراقيين معروفين بالشرف والنعم من الكل بس يا حبيبي المفروظ محد يحجي هذا الحجي المفروض تنفذ يله تناقش
الامريكان من عملهم اقوياء محد يكدر يوصلهم من ضربو أأمتنا المعصومين انت كاعد بالبيت تباوع اخبار ومتسوي شي
ولدكولي لا حجيت لو حاجي جان هسه مقريه على روحك الفاتحه
انت تعرف كم واحد مات بتفجير الامامين عليهم السلام
هوايه ناس ابرياء راحو وما الهم اي ذنب واطفال شنو ذنبهم
شنو ذنب النساء الشابات الي صارن ارامل من يعوضهم انت لو المالكي
انت تقنعني مسافرين هسه بكد حجم مسافرين قبل
لالالالا والف لا
انت تقنعني ارامل هسه اقل من ارامل قبل
انت تقنعني يتامى هسه اقل من يتامى قبل
انت تقنعني بغداد هسه احلى من بغداد قبل
صدام كتل هوايه ناس وسوا مقابر جماعيه صحيح بس موصل يا حبيبي لهذا الحجم والارامل والاطفال الاصغار الي هم يسموهم احباب الله ليش هيج ليش؟؟؟؟
يا اخي انت طالع للجنوب وشايف الخيم ناس اوادم كامت تكعد بالخيم مو ببيوت شنو هم حيوانات
بزمن صدام ما جانت الكهرباء تنقطع غير ساعتين ليش هسه مو زمن الفلوس وزمن الدولار
بزمن صدام جان اكو حصار وما انقطعت الكهرباء
وين الفلوس مال العراق
وين المليارات والنفط
وين وين وين
مع الاسف العراقيين كامو يشوفون الخطاء صح
هذا النقص الي صار هسه
والسلام عليكم