رسالة عراقي طفران وزهكان للمالكي: لك يمعود والله ما نريدك بالمسيح ما نريدك، والعباس و

[* البتول *]

عزيزتي البتول

عيوني اسئلج سؤال انتي تكولين حقج ضايع وشايفه الضيم وذكرتي انج ما رحتي تنتخبين ليش مارحتي انتخبتي الي تعتقدين بي انه الاكفئ حتى يوفرلكم الي تردو ....
لان ماكو واحد كدهه وكفو واعرف بيهه بس وعود
ليش عزيزتي رمانة انتة وين كاعدة موبالعراق متعرفين انه الحصة التموينية تكاد تنقرض من بعد الوعود الي جانو يأملونة بأن راح تصير اربعين مادة زيادة عالحصة
وماكو احد من كرايبج او اخو الج او عزيز الج جان مسجون بالسجون مالت المالكي الي اكتشفوهه بالاخير موصلج هذا الخبر الي هز العراقيين هز
امبارك على حرية الكلمة الغير مسموعة واذا حجينة هوة هذا الفرق الي صار عدنة انه نحجي ومحد يسمعنة نستغيث ولا من مغيث
مرحتي فد مرة على معاملة الج وممشوهه الج الا بالرشوة من جوة الجوة
عزيزتي رمانة وين كاعدة انتي فدوة اروحلج هذا الي اتذكرة بس لو اعدلج تصير جريدة ويجوز متتحملين التطوالة تريدين مختصر مفيد

قبل بعهد صدام المقبور جنه نعاني اكثر من الي ذكرتي وابسط شي حرية الكلام منو يكدر يشكي او يتنفس....
يعني نباع ليورة منباوع ليكدام نقارن من السئ بالاسوء
ومبارك بس بالكلام خبصتونة بالحرية الي صارت وبعدين موكل وقت اكو ناس اعرفهم طبقوا هاي الحرية الكلامية ولليوم مامنهم خبر يجوز هم اندفنوا يعني ماكو فرق شاسع الفرق بسيط

وحاليا وابسط مثال كل العالم صار يدري بالعراق انه ماكو مي ولاكهرباء هذا دليل انه العراقي رجعتله حريته رجعتله كرامته كام يكدر يحجي يشكي ...
الحمد لله والشكر شلون دليل عمي اخذو هالحرية الكلامية واطونة كهرباء ومي عايلين بيكم

4 سنين تكولين ما شفنه شي 4 سنين شنو يكفن من 35 سنه من التدمير والحصار والظلم وحاليا

الارهاب الي همه نفسهم اعوان صدام والي ميريد المالكي اله ايد بهالشي
هسة اضعف الايمان وفروا كهرباء من هالخمط الي ديصير فد كل مدينة مولدة والحصة خلوهه مثل ماجانت منريد هالزيادة الكشرة لو هاي فد معضلة لو مبارك بس رواتب ياخذون بالملايين وميحسون بمعاناة الشعب

الله يعين المالكي شنو يتحمل ولا شنو الله يكون وياك..

والله يعين الشعب شكد متحمل ضيم وضلايم
مشكورة اختي رمانة على هالمشاعر الوطنية واحساسج بمشاعر الشعب الي حتى دعوة حلوة منج مدعيتيلة بلكي الله يسمع منج ويتغير الوضع
ليش احنة وين شايفين واحد يحس بينة ومخلينا على روسنة واني منتخبت لان اعرف بالحلقة المفرغة الي راح ندور بيهه وعود واحلام وردية وماكو فعل وبعدين اذا ردتي تقارنين بين حكم المالكي وحكم صدام الكل تمنت يرجع حكم صدام عالاقل جان امن مية بالمية وغذائية كاملة وتزود ومااريد اعدد لان اني اريد الافضل للشعب افضل من صدام والمالكي
تحياتي للرمانة

[الحــر]

وحاليا وابسط مثال كل العالم صار يدري بالعراق انه ماكو مي ولاكهرباء هذا دليل انه العراقي رجعتله حريته رجعتله كرامته كام يكدر يحجي يشكي ...
الحمد لله والشكر شلون دليل عمي اخذو هالحرية الكلامية واطونة كهرباء ومي عايلين بيكم

بصراحة كان الطرح جداً غريب واذهلني من قبل الاخت رمانه ...
وشلون تمت صياغته وباي فكرة حللوها ودمجوها واقنعو بها انفسهم لا اعرف بصراحة..!؟

ولكن اقسم ان اجابتك ايته الريحانه البتول كانت في مكانها وفي الصميم
واضحكتني بقوة

نسئل الله الخير لهذا الشعب المحتسب
مع كل الشكر وخالص التقدير