شـحچي وياچ گلتيلـي ترا غلطـان
وما ترضيـن لو گتلـج نظر عينــي
يروح الروح لا تنسـين انا انسـان
وبسـمة شـفاهچ الحلوات تكفينـي
چنـت ضايـع بدونـچ ماإلي عنوان
صـرت عنوان الچ بس لاتهملينـي
يلجوري عطرها ورازقـي, ريحان
ومنـها ارتـوي ونظرتهــا تحيينـي
ابد ماكو بجمالچ شـيخة النسـوان
وغيـــرچ لا ابـد ما عـاد يعنينــــي
اطرزلـچ مشـاعر يعجز الشــجعان
عن البوح بمثلهـــا وكلها بيدينــي
واذا ودچ تعرفـي يونس السـلطان
مــدي ايديــچ لضلوعــچ تلاگينــي
اظـل اجري بوريـدچ هايم وولهان
مثل الـدم الچ وانتــي التوزعينــي
دفينـي بحنانــچ لو صــرت بـردان
وبجنحـــچ عن الأغــراب غطينـي
كل سـنين عمري مـرت بخســران
وتوقعـت بوجـودچ تحتيي سـنيني
كل سنين عمري مرت بخسران لمشاهدتها في ديواني
اضغط
هنـــــااا
الكناري
يونس الجبوري
19/6/2010
كل سنين عمري مرت بخسران
رد مع اقتباس