گمت تبيـع غالـي مـن شفتني اهـواك
وصرت مثل الحشيشـه مرتفع سوگك
چنـت مدمـن عليـك وروحـي تترجـاك
مخلص دائما واحرص على حگوگـك
وچنت أخشى عليك من الهوا لو جاك
وخايـف مـن عيـون النـاس لتبوگـــك
واطرزلـك مشــاعر عذبـه تتلگــــــاك
واصب روحي عطر بحدود طاروگــك
وچنـت مثل الظـلال ومحبس بيمنــاك
وچنـت حارس امين احمي لشـاروگك
چنت حـادي الك وحـداي بس ذكـراك
وبچـت من حر حدائـي ياترف نوگــك
وخفوگــي يبتهــل بالليــــل تا يلگــاك
عجيبـه شـلون يغفـــل عني خفوگـــك
وصفوگــي سهيــر الليــل وبطــرواك
ونايـم ما يمـره الشــوگ يصفوگــــك
عســل مثل العســل يازين من شـفاك
تعـال ادني عليّ ارجـوك تا اضوگـــك
انا جــبت القصيـده الحين ما انســـاك
عسـى ياروح روحي حروفي تروگـك
احبــك ما اتغيــر وابقـى يونـــس ذاك
شـعجب تبطي علي گلّي وش يعوگـك
گمـت تبيع غالي من شفتنـي اهــواك
وصرت مثل الحشيشه مرتفع سـوگك
گمت تبيع غالي من شفتني اهواك
مشاهدتها في ديواني على الشبكة الالكترونيه
اضغط
هنـــااا
الكناري
يونس الجبوري
30/5/2010



رد مع اقتباس
.gif)
.gif)



