رحيل وبديل ( للشاعر علي غنيمة )

[رنا العراقية]

ذبني من كلبك خلص ذاك الغرام
واكسر الصورة كبل لايبدي ليلك
واطوي صفحات العشك كبل الرحيل
لان صفحات العشك ترفض رحيلك
جنت متوهم واحب المستحيل
وادري حبك مرتبط وي مستحيلك
رصاصة انته وطيحت كلبي قتيل
يمته تعرف انته مثلت ابقتيلك
يمته تعرف ؟؟
انته قصرت ابهواك
يمته تعرف منهو ضدك ؟؟من خليلك
يمته ليلك يستحي من انجوم ليلك ؟؟؟
يمته واليمته قضيه
وانته وين ؟؟؟؟؟؟؟
ماشفت منك حلم حتى اندعيلك
ماشفت طلقة الرحمه حتى اموت
ولاشفت دنيه واعيش واعتنيلك
ماعشت خالي واكول آنه وحيد
ولاعشت وياك حتى اذكر جميلك
جنت ادري العمر مايخلص معاك
وجنت متوقع تتيه انته ودليلك
انته يمي وبالك ابعالم بعيد
وآنه روحي اجفوف تتحلم تشيلك
روحي تتمنه ابحلم تحصد هواك
واعله جنحان الدفوتطردجحيلك
ادري موحلمك !! ولا آنه المراد
وادري شوكي الذاب مايشفي غليلك
ويه غيري تحلم اتلاكي السبيل
وانته كوم اذنوب ومضيع سبيلك
الذنوب اهواي والدنيه امتحان
والكبائر كلهن ايلمهن شليلك
الكبائر نقمه والاكثر هواك
من تكون اوياي !!
وانته الغيري ميلك
شفتك وجذبت عيني وكلت طيف
ومثل كل قصة زعل,, آنه اعتنيلك
جنت كل مرة اعتذر وآنه الاجيك
حتى لو ميت يفز كلبي ويجيلك
اعتذرلك وامحي كلشي وخل اموت
ومن اموت ابدمعه واسيني احتييلك
وهسه اجيت وشفت عنوانك رحيل !!
وشفت ايدك بيد غيري اتشدهه حيل !!
وكبل لااحجي !!!!!!!
كلت هذا بديلك
كبل لااحجي كلت هذا بديلك

مع تحياتي رنا

[* البتول *]

كلمات كانت موجهه بالصميم

الى من لا يستحق البقاء معه والرحيل اوجب

من الاستمرار مع شخص كان الغدر شيمته

سلم الشاعر وسلمت الايدي التي ابدعت في الانتقاء

دمتي عنوان للابداع

تحياتي

[خليل الشرابي]

ويه غيري تحلم اتلاكي السبيل
وانته كوم اذنوب ومضيع سبيلك

الله عليك أختي رنا قصيدة رائعة جدا
أستمتعت في قرائتها
أخذتني إلى البعيد المؤلم
كلمات راقية تصوير مميز
قصيدة يفوح منها عطر الألم و الوداع
تلامس المشاعر بمصداقيتها العالية
قريبة إلى القب
و ان أقرئها و كاني أشاهد احداث فلم جميل
نشاهده و نحن نبتسم و نتألم في الوقت نفسه
شكرا لك

[احلاهن بطة]

ما لهذا العتاب المؤلم الذي يمزق القلب لشدته لمن لايستحق العناء والتعب
اتمنى لكي كل السعادة حبيبتي وان لايرى قلبكي سوى المحبة والهدوء وان لا يعكره اي شائبة
تحياتي لكي ولقصيدتكي التي تترك اثر عميقآ في القلب