خايف تجافيـني

[عاشقة المستحيل]

شكــُــلك روحي انته ؟؟ وانته تدري الروح
بايعهه اعله شانك هي وسنيني

أحبك لكن اني هواي شايل خوف
اذا تتركني اموت وانت تدريني

لذلك لمن ازعل ماتدير البال
ولا تصالحني واصلا ماتحاجيني

اضل وحدي ويه وحدي ارضه وارجع ليك
واضحك ويه وحدي واني اراضيني

يا أكبر ضعف يحصرني بس وياك
وانه المــــا كدر غيرك يلاويني

يــــــــا كل نبضه تنطق بسمك وتهواك
يلتمشي ويه دمي بنص شراييني

الك حته الجفن كل رمشه بيك يصيح
واذا ماصدكتني ... باوع بعيني

ماعطشان ابد للعشك لا والله
لكني اعطشت من جيت ترويني

أحن اللمستك والضحكتك اشتاك
واطير ويه النجم لمن تشاقيني

اوزن كل كلامي وخطوتي ويه الغير
و بس وياك تختل كل موازيني

أحتاجك دفو لو حته ويه الصيف
احتاجك حنان وحب تغطيني

ولو جوه الشمس والحر يموت الناس
انتضرك تجي بشمسك تدفيني

ياكل عطري انت وكل رياحيني
يــــا اطيب نبع بجفوفه يرويني

خليني اعله كلبك واغفه انته ونام
وخليني اعله رفك قلم خليني

مادام اني يمك ارضه لو بالموت
ولتفكر ابد..... خايف تجافيني...


منقولة تحياتي لكم

[ام فيصل]

ياعيني عليج
وعلى روعة ها الاختيار
قصيدة جدا رائعة واحساس جميل داعب السطور بكل الشوق والحنين
دام لنا نبضك مدادك
وسلم لنا جميل ماتختارين
مودتي لك عزيزتي

[احلاهن بطة]

شكــُــلك روحي انته ؟؟ وانته تدري الروح
بايعهه اعله شانك هي وسنيني

أحبك لكن اني هواي شايل خوف
اذا تتركني اموت وانت تدريني

لذلك لمن ازعل ماتدير البال
ولا تصالحني واصلا ماتحاجيني

سلمت لنا هذة الانامل الذهبية التي نقلت هذا الابداع قصيدة رائعة جدا بكلماتها ومفرداتها شكرا لك يا عاشقة تقبلي مني كل الحب

[عاشقة المستحيل]

الله عليج ياوردة كلمات على الجرح تسلمين ياكلج ذوووووووووووووق

[ام علاوي]

كلمات جميله جدا
شكرا لروعه الاختيار
فقد لمسنا احساسا مرهفا وقلبا عاشقا
لاحرمنا هذا الابداع غاليتي
لك مني اجمل باقات النرجس

[عبدالله الرفاعي]

رائعة ايتها العاشقة
نقلك هذا دليل على ذوقك الرفيع
لك وللكاتب كل التقدير