اقتباس المشاركة الأصلية كتبت بواسطة احلام في الانتظار مشاهدة المشاركة
ليش أشبيك ..؟




ليش أشبيك ..؟

كلمة سهل وبيها تسأل
وچنك أبد، أبد ماتدري
تعال يمي، تعال أوصل
شگلي ثوبي،
شگلي صدري
وفتح عيونك وشوف
شبيا مابيا، دشوف
من هموم ومن مصايب
شمر عليا من ضروف
وأنتَّ عني، بعيد عني
يا حبيبي سنين غايب
زادي صار، بس، حزن وقهر
والصبر، يوم عن يوم، مره أمر
كل هاي وماخلص صبري

ياحبيبي
ياحياتي
وهيَّ كلها الك

من ضيم حالي أسألك
منو الي عاش عمرين وأكثر
چذب من گال العمر يتكرر
من عمرنا، دگلي أشبقى
أشبقى منه وبيه
عندك وعندي ياعمري
..

حكمت البيداري
جزاك الله خير شما ردت كول
وابد ما قصرت يفلان مشكور
زرعتك وردة رغم اجروح السنين
وخليت الضلوع اصير الك سور
هاي الروح ياما تعبت وياك
تنام انته وانا للصبح ناطور
امنتك كلب مليان بالطيب
اخذت الطيب منه وجبته مكسور
انكرت ذيج المحبه وذيج الاشواق
بس ما الومك انه وانته معذور
تريد اتشوف دنيا اشكال والوان
تتغطه بحرير او تسكن قصور
بس انه فقير وحالي تعبان
شيوصلني يم الحاله ميسور
ما عندي شي يفلان وانطيك
وشتملك حمامة اكبال الصكور
*****
تحياتي للاحلام المنتظره
اخوك الامير