ليش نزلتي عينج ارفعيها وجاوبيني !!!

ليش نـزلــتي عيـونـك إرفعيها وجاوبيني
والا يعني إنحرجتيي يوم جاوبتي ســـــؤالي

ليش قلتيلي أحبــك ليش كنتي تخدعيني
ليش قلتيلي حبيبــي ليش قلتيلـــي ياغالي

كان ممكن ما أحبك كان ممــــكن تتركيني
كان ممكن من بدايه تخـــدعي غيــري بدالي

ليش أنا بالذات يعنـي ليش قولي جاوبيني
بعد غدرك خبريني وقولي بـــس شلي بقالي

والله إنـي ما جرحتك ليش أنتي تجرحيني
هنت على قلبك حسافه وإنقضت أجمل ليالي

والقــهر للحين أحبك وادري إنــــك ماتبيني
والمحبه من طـــــــرف واحد نهايتها زوالــــي

كان عمري بيدينك قولي وش كـان بيـديني
أذكــــر إنه من غلاتك كان قــــدرك فوق عالي

كنت أتجاهل وأطنش يــوم نــغزاتك تجيني
وكنت أقول الحب أكبــر من تصـــرف لا مثالي

أبغــي من وقتك دقيقه وليت أنك تمنحيني
بس أبا أقولك ثلاث أشياء وأروح أمشي لحالي

أولا فعـــلا أحبك كنتـــــــــي قلبي وعيني
وكانت الدنيا بوجودك شي روعــه شي خيالي

ثانيا عاللي بدر مني دخــيلك ســــامحيني
يمكن أنه زل لســـــاني وقلت إنك راس مالي

ثالثا أسألك بالله وأطــــــــــلبك لا تذكريني
احرقي كل القصايد وانسي أشواقي ووصالي..

[سلام الدراجي]

ثالثا أسألك بالله وأطــــــــــلبك لا تذكريني
احرقي كل القصايد وانسي أشواقي ووصالي..
اي والله وصح السانج اختي على هذه القصيده وخاصه البيت الذي اقتبسته منها انا كاااااااااااااان رائعا
نعم انا معكي احرقي كل القصائد
بوركتي

[مريم جبران عودة]

أولا فعـــلا أحبك كنتـــــــــي قلبي وعيني
وكانت الدنيا بوجودك شي روعــه شي خيالي

ثانيا عاللي بدر مني دخــيلك ســــامحيني
يمكن أنه زل لســـــاني وقلت إنك راس مالي

ثالثا أسألك بالله وأطــــــــــلبك لا تذكريني
احرقي كل القصايد وانسي أشواقي ووصالي


\
\


هذه الثلاث وكأنها تخاطبني...


شكرا لك عزيزتي


على الطرح الجميل

[ام فيصل]

صح لسانج عزيزتي

قصيدة نبطية جميلة ومفرداتها اجمل
معاني ألم ولوعة تخللت السطور
وآهات غدر وخيانة سكبت رحيقها مع كل حرف

شكرا لك وأكثر على هذه المشاركة الجميلة

وارجو الإطلاع على هذا الرابط عزيزتي والإلتزام به

http://www.alforat.org/showthread.php?t=22548


مع خالص ودي