موال ( علي ) زنجيل بفلمي

[علي الغنيمه]

ضاع العمر بالكدر والشيب بين علي

يادنيه اظل احترك مابين سور علي

اوصيج يادنيتي زيدي وعلل علي

دوم الوجع صاحبي والعلل بيه طبع

والوفه بيه نبع والله ابجبيني طبع

مكتوب حظي عكس ختم وعليهه طبع


الشماتي مثله اصبحت والصاحبي عبره

وطوكني سور الهظم واصعب علي عبره

حابس ابعيني الدمع وبصدري الف عبره


لصحابي جنت الجسر وجفوفي سيف ودرع

وتلمست طعنتي لن سيفي بيه درع

كلهه عليه صفت ياوكت درحم درع


تيهت وين التفت منهو العلي منهلي

لاصاحب ولاوفي حن وسال منهلي

صرت انه نبعة حزن صب الكدر منهلي


من نزف جرحي وطحت منهو النشد منسال

والعين مثل الجمر بيهه الدمع منسال

روج الالم ذبني جلد وعظم منسال


يابو الحسن هذا انه مسمى اعله اسمك ... علي

[شاعر غرام]

والله وتسلم يااااااا علي

زنجيل رائع دمت بهذ الأبداع
يامبدع وأتمنا لك التوفيق

تقبل مروري وتحياتي

الخالدي

[محتاره]

صح لسانك يا مبدع

زنجيل رااائع

تقبل مروري

مودتىى

عمي والله وصح لسانك

زهيري في قمة الروعه

عاشت الايادي

ننتظر المزيد من ابداعك

تقبل مروري

[علي الغنيمه]

والله وتسلم يااااااا علي

زنجيل رائع دمت بهذ الأبداع
يامبدع وأتمنا لك التوفيق

تقبل مروري وتحياتي

الخالدي

شكرا لك اخي الغالي تقبل تحياتي ومناي

[علي الغنيمه]

صح لسانك يا مبدع

زنجيل رااائع

تقبل مروري

مودتىى

شكرا لك بعد روحي محتاره يارب تسلمين ونشوفك باحسن الاحوال شكرا لك .. مودتي واحترامي

[علي الغنيمه]

عمي والله وصح لسانك

زهيري في قمة الروعه

عاشت الايادي

ننتظر المزيد من ابداعك

تقبل مروري

قمة الروعه هي مروركم الكريم سيدي الغالي دمت بكل الود ولك اجمل التحيات

[سلام الدراجي]

احسنت وصح السانك اخ علي ازهيري زنجيل ازهيري جدا رائع بوركت