دارمياتـــ ( بقلم ـي )

[الشاعر ماجد الدعمي]

ابجي وادير دموع عالفاركوني
راحوا بدون وداع جنهم نسوني

لاتظن لحظه انساك وعن بالي غايب
من فاركت لليوم شفت المصايب


***

كلما اغص بالزاد يعني اذكرتكم
ما انسى طيب الجان غامرني منكم

بالماي امس غصيت لمن ذكرتج
ولو صحتي واني بعيد عنج سمعتج


***

ليمته تظل زعلان جا شنهو فلمك
تدلل انت اهواي تدريني احبك

ادلل انه عليج من كثر شوكي
مو جذب عندي شهود هذا الله فوكي



***

الحكك وين متروح حتى لو عندك جناح
ولو ردت تخلص يوم ..موتني وارتاح

صدكيني لا ما اروح لو عندي جنحين
بنص الكلب والروح مسكنج والعين

***

كل يوم اكول اليوم يكتب رساله
موتت كلبي اشبيك درحم بحاله


كل لحظه الج اشتاك واكتب رساله
كلبي برساله اهديه فدوه لدلاله

***

جيتك انه مشتاك ارد انشد عليك
بوجهي ترد الباب ! لو ادري ماجيك

كل الهله بالجاي ومتعني لينه
نفك الكلب صوبين بس مروا بينه

***

تسألني الشمات جا يلا وينه؟
كلت من اون الأه تدمعلي عينه


اني ودموع العين وهمومي والروح
نتحول سبع فدوات لعيونج انروح

***

اتمنى ان تنال اعجابكم

شكرا لك ولقلمك المبدع وحبيت ان ارد على ابياتك هذه
اتمنى ان تنال اعجابك واقبلي تحياتي

[محتاره]

شكرا لك ولقلمك المبدع وحبيت ان ارد على ابياتك هذه
اتمنى ان تنال اعجابك واقبلي تحياتي

عزيزي ماج ــد

جميل كان ردك فأنت هكذا دائماً

ليس غريب عليك الابداع

شكراً لك

مودتي