الأبوذيـــــــــــــه العراقيـــــــــــــــه

[الشايب العراقي]

اعذرني والوكت عنك لهاني
بعـزاك الزاد الي ابدا لهاني
تفر من البدن روحي لهــاني
بسبب ما شالت التابوت هيه

***

من مثلي دمع عيني يهلهه
سبب غالب على روحي يهلهه
وعلي تحيولكم ميت يهلهه
من تبدي ترد الــــــــروح اليه

***

سفح دمعي على الوجنه محرم
على اليومه شبه يوم المحرم
بيا مذهب لثم خـــــــــده محرم
وسفك دمـــي مباح بغير ديه

***

ابحر حبك يمحبوبي لو اهلاك
محال اترك طواريكم لو اهلاك
اه يالعذبت حالي لو اهـــــلاك
على مـــلة مجوس انصفوا لي

***

الدمع نهران بخدودي كراهه
حبيبي سلب من عيني كراهه
ليش امحبتك صارت كراهه
اشبده مني وتشمت اعداي بيه

***

يصاحب لو تشوف اشلون كتماي
على عيوني ويسح الدمع كتماي
اشما اكل للروح سر الهوه كتماي
تحـــــــــن وتهيج الساكن عليه

***

أيتوسل بحر صبري يتشافه
وبعــــد يكفيك حــــــالي يتشافه
يكتلني ويجـــــــيني يتشافه
دشوف اشلون ابو عيون الكويه

***

أنام وشوك محبوبي يعــاني
افز مرعـــــوب وأتخيل يعاني
هلي الدمع مرخوصه يعاني
على اللي بالوصل شحوا عليه

منقول

[شاعر غرام]

تسلم ياشايبنه
كلام جميل ومعنا رائع
عاشت يمينك
تقبل مروري

[ام فيصل]

عاشت ايدك عزيزي
دارميات جميلة
واحساس رائع
شكرا لك وارجو لك دوام التميز والعطاء

مرحبا بعودتك ----------- عزيزي

[وردة بغداد]

عاشت ايدك على هاي الابوذيات

حلووووووة كلش

ان شاء الله دومك مميز

[محمد السوداني]

مشاركة اكثر من رائعه
الف شكر اخويه العزيز الشايب العراقي
منور المنتدى والله بعودتك

ننتظر منك المزيد

تقبل تحياتي واشواقي

أنام وشوك محبوبي يعــاني
افز مرعـــــوب وأتخيل يعاني
هلي الدمع مرخوصه يعاني
على اللي بالوصل شحوا عليه

[امير الاحزان:]

عاد هاي مو بس اني كلت شايبنه
رائع انت يا شابنه اقصد يا شايبنه
000
صدك جذب00عمي والله احنه الشياب موانت
اذا محتاج عجوز ارمله موجوده00
هههههههههههههههههههههه
والله غالي عندي واحب امزح وياك
لان الصراحه ما مصتنصح شغلت الشايب هاي00
وراهه انه00وكولوا ما كال امير الاحزان

[الشايب العراقي]

شكرا لمروركم على موضوعي
اسعدني مرور الجميع منورين الموضوع يا طيبين
مشكوووووورين والله يعطيكم الف عافيه

[حيدر القريشي]

مشكور اخويه العزيز الشايب العراقي
ابوذيات في غايه الروعه
دمت ودام لنا هذا التالق
مع ارق التحايا