ابجي وادير دموع عالفاركوني
راحوا بدون وداع جنهم نسوني

الجواب

شما تبتعد هيهات تبعد عليه
اتنفسك كل يوم يعني انته بيه
***

كلما اغص بالزاد يعني اذكرتكم
ما انسى طيب الجان غامرني منكم

الجواب

دم الكلب بجفاك سال من العيون
موحب طبيعي هواك بيك انه مجنون

***

ليمته تظل زعلان جا شنهو فلمك
تدلل انت اهواي تدريني احبك
الجواب

فز وانفتح نصين كلبي اعله طاريك
جم نص تضنه يصير لمن يلاكيك
***

الحكك وين متروح حتى لو عندك جناح
ولو ردت تخلص يوم ..موتني وارتاح

الجواب

كون انكلب صمون وادخل فرنكم
كلما تلوحه النار يصرخ احبكم
***

كل يوم اكول اليوم يكتب رساله
موتت كلبي اشبيك درحم بحاله

الجواب

فركاكم سهم مضروب بالكلب ثابت
راسلني يلمحبوب ولاتضل ساكت
***

جيتك انه مشتاك ارد انشد عليك
بوجهي ترد الباب ! لو ادري ماجيك

الجواب

كتلك تفضل فوت كل قصدي للبيت
راسن دفعت الباب وبكلبي طبيت
***

تسألني الشمات جا يلا وينه؟
كلت من اون الأه تدمعلي عينه



***

اتمنى ان تنال اعجابكم


موبس عجبتنه ...
سلمت اناملك يارائعه مبدعه ........... اتنمى لقلمك المزيد من الالق
استمري فالابداع هو طريقك

تقبلي تحياتي وتقديري

متابع