قصيدة على الوطن

[ملكة الاحساس]

شمـالك يا وطـن كـل ناسـك تنـوح
محــد بالشعـب ظل بـالـه مـرتـاح



ما نسمـع هلاهـل ابـد نـص الليـل
لا حتـى الصبـح نشـوف قــداح



بس الحـزن يركض بيـن هـذا وذاك
ونسينه احنه الضحك وأيام الأفـراح



كـل يـوم اليجينـه يـزيدنه سمـوم
يستفحـل مـرض ويكبـر جـراح



وليمتـه الامـل ما يبقـى موجـود
نبچي وبس نـون عالچـان والـراح



واحدنه گبـل بالعلم يسطـع نــور
وهسه النار طفيت والشمـع سـاح



فسدت كل خلايا الشرف والديــن
بس ريح الغدر بهل الوكت فــاح



يا شعب العراق تعلم من حسيــن
شامخ عالرمـح ظل راسـه ما طاح



يا ربي الكريم الواحد القهــار
إهدي هالشعب خل همه ينزاح

منقول

[ام فيصل]

عاشت ايدج عزيزتي ملكة على هذا النقل

وننتظر منك المزيد

تحياتي لك

[ملكة الاحساس]

شكرا حبيبتي ام فيصل على المرور نورتي الصفحة

[سلام الدراجي]

قصيده وطنيه راقيه تسلمين ياملكه

[زمن الرحيل]

شمالك ياوطن كل ناسك تنوح
محد بالشعب ضل بالة مرتاح
قصيدة جميلة تعبر عن الاحساس بهموم الوطن والناس
شكرا لما خطت اناملك من الابداع...مع تحياتي وتمنياتي لك وللعراقيين بالخير والامان

[ملكة الاحساس]

مشكور اخ زمن الرحيل يسعدني تواجدك وتواجد كل الاخوان العرب بمواضيعي نورت الموضوع

[مصطفى المالكي]

ملكة الاحساس

دائما انتي متميزه في اختيارك لكل ما تقدميه هنا

شكرا على هذه النقله الجميله

تحياتي

العراقي

[ملكة الاحساس]

يسعدني تواجدك اخ مصطفى العراقي
نورت الموضوع