طائرة عراقيه حزينه وصور حصريه (( بقلمي ))

[ذيب الغزالية]

أختي الكريمه انتي غلطانه من كلتي انه لا اني ولا اهلي جنه موجودين بالعراق ..!!


اني وأهلي بسنه 2000 يلا طلعت من العراق

وبالرد اللي قبل هذا رديتي وكلتي

واعذرهم هولاء الذين يحبون صدام لانهم اخذوا املاك ليست لهم احقيه فيها.

خيتي دامج انتي تحجين بالدين والاسلام فلازم تعرفين هذا قذف محصنات

للعلم فقط اني هم اللي ظروف ومشاكل بزمن الرئيس الراحل صدام حسين

صح مو بعدد ظروفج ومشاكلج بس اني هم اللي مثل هاي المشاكل وقد اعدم الرئيس الراحل اعمامي الأثنين

وحرمني من كلمة عمي منذ ان كنت في الرابعه من عمري

وصدام حسين هم اخذ من عدنا بيتنه اللي بالغزاليه وسياراتنه وفلوسنه اللي مجمعيها والله الشاهد بفلوس الحلال وبتعب ابويه

طلعنه من العراق ونحن لا نملك مصاريف على الاقل اكلنا

ولكن رحمة الله كانت موجوده


ومع هذا بيوم الاعدام ترحمنه على الرئيس السابق ودعيناله بالغفران


بس انتي لو قريتي الموضوع زين اني ما جان اللي اي علاقه او كلام بهذا الموضوع

اني كل كلامي جان على العلم العراقي

هذا العلم حبيناه ورفعناه في كل مكان


تقبلي تحيااتي

أخوج : عمر الحجار أبو الفاروق