احرك بروحي لمن طر الصبح

احرك بروحي لمن طر الصبح
والعيون تكول متروسه ملح
لا غمض جفني ولا نامت لي عين
والجرح مفتوح شيلمه الجرح
وينه ذاك الكال لجروحك دوه
جرحي شراي الدواكم لو يصح
اني من كثر السوالف ايست
كل دقيقه يجيني واحد يقترح
هذه جرحي يسولف السانه الحزن
واني بحزاني عزف ناي وصدح
اني بلبل غرد احزانه بقفص
ومن خلص تغريده بهمومه انذبح
اني بيك اتمرضت وانته دواي
ليش من احتاجك بوصلك تشح
اني ما لومك لمت بيك الكلب
شكد نصحته وما نفع بيه النصح
اني كلبي مشارك وياك واظن
حصتك اكبر يبو شعر السرح
وش يظرك لو جدت وصلك علي
اني منتظرك عمر صار والح
اني كاع بحاجه مر بيه مطر
اني صبخه وايست مني الفلح

[العراقي الطيب]

الله الله لدقة كلامك الررررررررائع تحياتى والك منى الاحترام

شكد شايف جروح..بعالم اشكال..

مثل جرحي..ابد ما شايف اثنين..

جرحي يريدك انت.. وكلشي ميريد..

وهم سامع جرح..محتاج سجين؟؟

اشكرك اخي العراقي الطيب على مشاعرك الجميله وانا ممنون لكل كلمة اطراء قلتها بحقي واتمنى ان تكون كلماتي واشعاري هكذا علما ان هذه القصيده هي احدى قصائد ديواني الاول الذي سينزل في الاسواق وعلى النت قريبا جدا. اخوك علي جواد كاظم البحاثي

[spot_light]

علي جواد كاظم...

عندما يتدفق الشعور فياضا يعبر بصدق ..

عن المحبة والود .. ويرسم لوحة حزينة

ويبث فيها دفء المشاعر.. وجميل الأحاسيس..

تصبح الكلمات أجمل مما سواها ...

تحياتي ...لك

وصباحك ياسمين ايها المحب

[ارشيف الفرات]

شكرا للكلمات الروعه
موضوع رائع
ونحن بانتضار كل جديدك

اشكركم جميعا وانا ممنون لكم جميعا وانتم تاج فوق كل راس . اشكركم مرة اخرى العراقي الطيب , مهند الكربلائي , سبوت لايت , ملاك الرحمه

[cyranoo]

ماشاء الله عليك كلمات حساسة و مرهفة العشق
بارك الله بيك
تقبل تحياتي و مروري
اخوك سيرانو

يا اصحاب الذوق الرفيع يا اهل الدفئ والمشاعر الصادقه يا رواد هذا الموقع يامن قرئتم كلماتي البسيطه وشرفتموني بردودكم الجميله اشكركم جميعا وانا ممتن منكم ومن كلماتكم هذه استمد روح الكتابه والابداع لمن يريد الاطلاع على ديواني سوف ادرج هذا الرابط وفيه قصائد سوف تنزل بصوتي قريبا
http://www.poetsgate.com/sh3ra.php?a...hpoems&id=1334