زنحيل عشك عشكك

السلام عليكم

ارجو ان يعجبكم هذا للزنجيل
-------------------

گلبي بنضرة منك هام عذري
و عشگ عشگك عشگ عشاگ عذري
ماگولن احبك هذا عذري

و اجي بكل يوم يم دارك و امرهه
و عشگت الحلو بعشرتنه و مرهه
خطية الروح حيرانه و امره

صفه بأيدك دشوف شلون حالي
علية الضيم بس لايگ و حالي
القهر ماضي البشر كلهه و حالي

فقط وياي شو صاير و حاضر
و صرت استاذ باحزاني و احاضر
على استعداد دوم ابقى وحاضر

انفذ كل طلب منك باشاره
يهالوجهك سمح كله بشاره
اجيت من السما انت بشاره

و جبتلي الفرح كلة و خيره
بغيابك روحي مغلوبه و اخيره
سحر سويت انا لاجلك و خيرة

تشوف شينفع بحبك وسيلة
و يفيد اهمل دمع عيني و اسيلة
اناشد هالگلب صدگ و اسيله


غيرك بيه احد منتسبله ؟
و يحب روحك تمدحه و من تسبله
سألني الگلب تدري من تسبلة

شعره شلون چنه بليل حالك
و اريد انشد عن اخبارك و حالك
دگلي بحبه انت احد وحالك

لو گلي محبتك هاي فطره
و تعال و شوف گلبي شوسع فطره
صايم بالحزن ما شاف فطره

و مرض و انت محبتك مرهم النه
و جفاك الروح صدگ مرهم لنه
حبيبي شبيك تجفي مر هملنه

عليك عيون مو دمعه و اعدي
و بعد ما ينفع حسابي و عدي
عندي اصحاب بالجملة و عندي

فقط محبوب انت و گلبي مالك
و تناشدني و تگلي شبيك مالك ؟
احاچي الكون كله لساني ما لك

و يم روحك تلكأ خاف منهه
و محبتك ما عرفنه الخافي منهه
منه صغيرة عندي خاف امنهه

عليك و ما تحب المنه بينه
و لا نرضه نزعل المنه بينه
الوصايا انت تعرفهه المن نبينه

لو رايد اعلمك و افهمنك
يلي برقتك ماكو و افهه منك
اذا انت تگول فاهم و افهم انك

فهمت المسأله شمالك يخلي
چفك بالگلب خنجر يخلي
و يشوف جروح البگلبي و يخلي

بجروحه و حسرته و خنجر ترك بي
و چفوفك اجت و بزايد ترك بي
ولك حبنه فرع واحد ترك بي

يأما ان تتركه و ان تحله
و يأما ان تشده و ان تحله
طفل عريان گلبي و انت حله

تعال ارجوك وك استر عورته
و تذكر شون بغيابك عورته
ولك عينين چانتله و عورته


لمن رحت و تركته و صار عامي
و الك مخصوص چان و صار عامي
وك مو عام واحد صار عامي

صار اعوام نار و انت جنه
و سكن جني بدليلي و انت جنه
دخيلك دحچي يسمر و انتجنه

شهد صافي و اظن حچيك شهد بي
و تريد اترك و اهد حبك شهد بي
اذا گلبك اقر ليه و شهد بي

حبي شلون هسه تريد اهمله
و انا الدمعي فقط لجلك اهمله
چنت يا ناس بالشدات اهمله

و من طحت بشدايد مره شدهه
لحد مالروح شطت من رشدهه
احل مرة محبته و مرة اشدهه

و مرة اندم على اللجله ضحيته
و احس الروح شو چنهه ضحيته
سوة صارت مسيته وي ضحيته

و سواد الدنيا بعيوني تراكم
و بعد العيون ما تگدر تراكم
لان صار الرمد بيهه ترا كم

و اناشد يمته تشفه من رمدهه
و اجر بالونة مرة و مرة امدهه
اجو عذال بعدك مرم ادهه

من أي عاذل بهذا الكون كله
يالمنك نسجت بگلبي كله
تريد اترك و ابطل شوگ كلا

اظل للموت احبك وك هويتك
و دليلي بنار ما اهوي هويتك
صدگ يفلان ما اعرف هويتك

و لكنك صرت لية هويه


م/ن

[نظرات تؤرقني]

شوفك بعيني ذهب

اشوفك بعيني ذهب والناس فضه يلي رسمك ما يفارك عيني لحظه *** كَلبي حبك مو بيديه **وانت ما جن تدري بيه ** هي قسمه والهوه كلمن وحظه **شكد تعبت وياك مافاد التعب **بس بعد يهواي مو شفت العجب** اركض وتعبان انه بلا سبب** هي قسمه والهوه كلمن وحظه ** يلي حبك صار الي قسمه ووعد** شلك عندي كووول وشعند بعد** انيال كَلبك مسعد وحظك كعد **هي قسمه والهوه كلمن وحظه ** اشوفك بعيني ذهب والناس فضه ...!مع خالص تحياتي .

[عبدالله ابومحمد]

الصراحه روووووووووووووووووووووووووووووووووووووووعه سلمت الايادي

[ابو فاطم]

جميل جدااااااا
مشرفتنا المبدعة
تحياتي وتقديري لكم وللاختيار المميز

شوفك بعيني ذهب

اشوفك بعيني ذهب والناس فضه يلي رسمك ما يفارك عيني لحظه *** كَلبي حبك مو بيديه **وانت ما جن تدري بيه ** هي قسمه والهوه كلمن وحظه **شكد تعبت وياك مافاد التعب **بس بعد يهواي مو شفت العجب** اركض وتعبان انه بلا سبب** هي قسمه والهوه كلمن وحظه ** يلي حبك صار الي قسمه ووعد** شلك عندي كووول وشعند بعد** انيال كَلبك مسعد وحظك كعد **هي قسمه والهوه كلمن وحظه ** اشوفك بعيني ذهب والناس فضه ...!مع خالص تحياتي .

شكرا لمرورك وردك الجميل تحياتي

لك مع كل الود

الصراحه روووووووووووووووووووووووووووووووووووووووعه سلمت الايادي

تحياتي لك مع كل الحب

جميل جدااااااا
مشرفتنا المبدعة
تحياتي وتقديري لكم وللاختيار المميز

انت الاروع والاجمل
بحضورك ومتابعتك لك احترامي
وتقديري مع كل الحب