رد: حقيقة المظاهرة المليونية التي دعى لها مقتدى الصدر
البلد الوحيد اللي ما تطلع بي مظاهرات شعبيه هو العراق
اكو مظاهرات مدعومه من قناة الشرقية واكو مظاهرات تابعة للبغدادية وبغداد وقنوات الرذيلة اللي تعرض العراقيين على انهم شله مال كواوله واكو مظاهرات مال ذيول السعوديه هذول كلهم مو عراقيين شي اتراك وشي عجم وقسم شيشان لكن يتكلمون بالعربيه على اساس هم عربان ، وياريت لو ميطلعون احسن لان فضحو روحهم لان عددهم عشرات
على العموم هذول غوغاء لازم احنا كعراقيين نقاومهم بالحديد والنار حتى البلد يستقر
رد: حقيقة المظاهرة المليونية التي دعى لها مقتدى الصدر
المشاركة الأصلية كتبت بواسطة ميراج
بس ترى خوش حلوة هاذي الطلعة مالتك هلنوب الي يطلعون مظاهرات تبين مو عراقيين طلعوا اتراك وشيشان وعجم !!
والله بصراحة صعب واحد يرد على هيج كلام بس شنسوي نحجي الي عدنا والله كريم ..
بخصوص القنوات الفضائية فانا اتفق وياك انو ذولة مو حبا بالعراق ديطلعون المتظاهرين بس هذا ما يعني عدم وجود شرفاء طكت رواحهم ويردون حل ويسعون للخلاص من المفسدين هسة على كولتهم تعددت الاسباب والموت واحد احنا نريد الخلاص من المفسدين الي دمرونا وشلعوا كلوبنا سواء بالمظاهرات باللطم بالصريح وحتى لو بالركص المهم نخلص لأن جزعنا وداعت عمي ميراج وبعد ما ظل بينا صبر ..
رد: حقيقة المظاهرة المليونية التي دعى لها مقتدى الصدر
ذوله طلعوا عربان وبيهم اهنود وتايلنديين وباكستانيين وفيتناميين
لان تدري العراق دوله مرتاحه وبيها خدم من جميع الدول
فهذوله الي يطلعون مظاهرات همه الخدم الهنود وغيرهم
يظاهرون لان العراقي مينطيهم غير دفتر بلشهر كراتب دفتر 10 الاف دولار
فهم يطالبون بزيادة رواتبهم
وايضا احدى مطالبهم في المظاهرات يطالبون بلجنسيه العراقيه
لان تدري العيشه بلعراق بدأت تشبه العيشه بلامارات
يا اخي مو عراقيين الي يطلعون بلعراق هذوله مدفوعين من جهات خارجيه
لان العراقين عايشين ومرتاحين ومناقصهم اي شي
على شنو يطلعون مظاهرات
اشو كهرباء مستمره 24 ساعه
والماي ابد مينقطع ويجينه امفلتر من كاعه
بطاله ماكو
فساد ماكو
انفجارات ماكو
عبوات ماكو
خطف ماكو
كاتم صوت ماكو
واسطات ماكو
وكل عراقي عنده اذا مو بيت بيتين بسمه
واذا ضاج العراقي يروح يدرس للخارج
يعني شعب مترف وعايش على شنو يطلعون مظاهره
الخاطر الله بس كلي على شنو
شنو ناقصهم
حتى الي كاعد ابيته ما عنده شغل يجيه راتب لي يمه
هاي طبعا
ما عدى حصته بلنفط تجي كل شهر الى بيته بضرف خاص
ونوبات حصته من النفط اتكون جبيره كلش
فميدزوها اله للبيت
يفتحون اله حساب بلبنك خاص بسمه ويدزوله الباسوورد الخاص به
وبرساله خاصه على عنوانه بلمنتديات
يا اخي بس اريد افهم على شنو يطلعون العراقيين مظاهرات اشو عايشيين ومرتاحين
اخر رااااااااااااااااااااااااااااااااااااااااحه
لا لالالالالالالالالالالالالالالالالالالالا
الي يطلع مظاهرات لازم مو عراقي فهو مدفوه من الخارج
ابدا مدا اكدر اصدك ان اكو عراقي يطلع مظاهره ويحتج
يابه على شنو يحتج بس اريد افهم
هذوله مدفوعين من الخارج ابد مو عراقيين العراقي مرتاح
اصلا هلكد مو مرتاح كام ايصيف بدول اوربيه
رد: حقيقة المظاهرة المليونية التي دعى لها مقتدى الصدر
تحياتي وودي لك
الذين يشاهدون الموضوع الآن: 1 (0 من الأعضاء و 1 زائر)
ضوابط المشاركة
رد مع اقتباس