الاعوج اصل ما ينعدل فرعه

نعم !! اصلك نبيل وظاهر انته عليك
واصلنا الوصلانه لهالحال ونجرعه
نطبطب عل الجتوف ونكول عفيه انوب
محال هذا الحال منلبسه وانزعه
بس يابيت الطهر!! شجابك عله العيبات؟؟
ماهي محجبة وجانتلك مفرعه
وياهو القشمراك الذيب لو حرباء
تتلون عليك الوان قوسها السبعه
وياهو اليعدل الميله دكولي شبيك
ولو مال الحمل اهله ترى ترفعه
نعم مثل الزبد يروح من الماي
ويبقى الينفع الناس وناسه ترى تنفعه
نعم اصل الكريم يظل فوك الروس
وما يحتاج احد يمسحله ويلمعه
يا بأس الحرف لو طاوعك ترميه
تصلخ منه اصله وتوصخه ودفعه
وتتهم بيه غيرك وتترفع انته عليه
وتنسى اصلك ترى كلهه ولد تسعه