لماذا كفر العراقيين بالعروبه ؟؟

[شهد الاسدي]

ميجمعنه اي شيء بالعرب لا دين ولا اخوه ولا عروبه




والله ما عرفت شنو دينج

لكم دينكم وليه ديني

هههههههه فعلآ امرج عجيب

انتي لتقتبسين جزء من الكلام وتتركين الباقي

وبصراحه ما احب اضيع وقتي وادخل وياج بسجال ما اله نهايه

لأن انتي تنظرين للأشياء بمنظور واتجاه واحد

الطرح يخص الموقف العربي من العراق اشو انتي دخلتي ايران طرف بالموضوع

عبالك هو صراع طائفي

عزيزتي الله يزيد هذا الحب الكبير البقلبج للعرب وياريت يكون حبج البلدج اهم من حبج وفخرج واعتزازج بعروبتج

اني ما افكر مثلج اخر شي افكر بي هو قوميتي هاذي اذا ما اجاهلته اصلآ

شنو استفادينه من العرب شنو فضل العرب علينه

كل بلوه اجتي للعراق من العرب

كل ارهاب وقتل اجانه من العرب

كل ظلم وقهر اجانه من العرب

انا ما اكره العرب اكراه افعال العرب

هسه انتي اكيد حتكولين وايران اني حجاوبج واسئلج بنفس الوقت يانور الهدى العربيه

الامريكان وباقي القوات الاجنيه منين دخلو للعراق ؟

من الاراضي العربيه لو الايرانيه ؟

القواعد العسكريه الامريكيه قبل احتلال العراق وين كانت بالاراضي العربيه لو الايرانيه ؟

منو الفتح الموانئ للقوات الامريكيه العرب لو ايران ؟

منو المهد لغزو العراق العرب لو ايران ؟

بعد احتلال العراق كل الدول العربيه غلقت كل سفارتها وتركو الشعب العراقي وحده لعد وين العروبه التتكلمين عنها يا نور الهدى العربيه

المواطن العراقي بكل الدول العربيه يعاملونه معامله غير لائقه بالمطارات

عندي (2) من افراد عائلتي حاصلين على جنسيات اوربيه من يدخلون للبلدان العربيه

ينطون الجواز الاوربي مو العراقي حتى تكون المعامله مختلفه

وما شاء الله عليج يا نور الهدى العربيه انتي مقيمه بالامارت وتعرفين المواطن العراقي من

يوصل للمطار كيف يكون استقباله يستقبلونه (بالهلاهل والورود )

تدرين شوكت احترم العروبه واقدسه مثلج

من اشوف المواطن العراقي يتعاملون وياه بكل ادب واحترم بالمطارات العربيه اني احترم العرب واقدس العروبه

من اشوف المواطن العراق حقه ممسلوب من العرب اني احترم العرب واقدس العروبه

من اشوف العرب ميدخلون بشؤون العراق الداخليه اني احترم العرب واقدس العروبه

من اشوف العرب يعترفون انو صدام حسين كان طاغيه العصر وذبح شعبه اني احترم العرب واقدس العروبه

عزيزتي نور الهدى العربيه شفت احد ردودج تكولين عار على كل عربي يؤيد هذا الكلام الي طرحه الاخ ايليا

واني هم حكولج شي

عار على كل عراقي يفضل قوميته على حساب وطنه

وعار على كل عراقي يكون تفكيره طائفي

وعار على كل عراقي ينكر تصرفات العرب الخسيسه بحق العراق

وعار على كل عراقي ميشعر بمعناه ابناء شعبه

بنهايه كلامي اريد اكول شي الحضرتج يا نور الهدى العربيه اتمنالج كل الخير

وربي يوفقج ويزيد محبتج للعرب

شكرآ للعزيز الغالي ايليا الغانمي على الطرح الراقي

تحياتي وودي