لاتقل لا بعد ان قلت نعم

[عادل المنصوري]

لا تقل لا بعد ان قلت نعم

تجلب العار وتاتي بالسقم

عيب اعلل رجل رايه نعمله

ولا بينه طبع طافي نعمله

صحيح اللي يجرش لك نعمله

الهده بكَه جمل يطلب هديه

للشاعر المرحوم سامي شياع المنصوري

[وسن المنصوري]

عن المعروف ابد فد يوم مالاه

اليحبله انسان بالاحسان مالاه

وبذل وياه زاده وبذل مالاه

الصاحب ساحب لحد المنيه

تقبل مداخلتي ابن عمي مع التحيه لجنابك

[عادل المنصوري]

تسلمين ايتها المنصوريه الاصيلة
اخت عزيزة ومداخلتك على الرأس

الصــــــاحب للمنيــــة صاحبينــه
وفي وطبعي اعله طبعه صحبينه
اذا نمــــــام كَرب صاحبينـــــــــه
نســـد الذان عـــن سمـــع الرديه

[عاطف المنصوري]

جميل جدا ماتختط اناملك اخي الغالي عادل المنصوري

[ام علاوي]

انت الصديق الذي لو مال الوكت ما مال

يربطني بيك الوفى لا مصلحه ولا مال

انساك لحظه من العمر لا تعتقد اهمال

لاكن زماني صعب والوكت خان بيه


منقول

[عادل المنصوري]

تسلم عاطف على المداخله اخ وابن خال عزيز على قلبي

[عادل المنصوري]

انت الصديق الذي لو مال الوكت ما مال

يربطني بيك الوفى لا مصلحه ولا مال

انساك لحظه من العمر لا تعتقد اهمال

لاكن زماني صعب والوكت خان بيه

موش بمال انه الصاحب كَدرته
كَدني من الوفه ثوبه كَدرته
ازيح الظيم واتعله كَدرته
لون ايد الاخو تشد فوكَـ اديه

[توم الحزين]

الوكت يا صاح دومه / مال بينه

وبقينه احنه اعله منهج / مال ابينه

ولا لـــلغـــيـــر ســــاعه / مالبينه

أهل غيره وشجاعه ومرحميه

تحياتي لك اخ عادل وتقبل مداخلتي