المشاركة الأصلية كتبت بواسطة الكناري يونس الجبوري
شكرا لك على نقل هذا المقطع من قصيدة الشاعر المتألق عبد الحسين الحلفي (احبك)
وياليت لو ناقلها كلها يالغالي
اذا انت تمر على الاعمى يصيح الله
والاخرس لون حاجيته يحاجيك
اذب كلبي على سهمك وانا مجروح
واكلك دير بالك خاف اذيك
اجرحني ولك بس كون علكيف
لان انت ويدمي وخاف ابديك
اجرحني ولك بس كون ماموت
حتى من يتهمونك ابريك
على المرايا وكفت ماشفت وجهي
شفت وجهك طلعلي وكمت احاجيك
وثبت بمرايتي وجهك مرايات
وتباوع وجهه مرايتي بيك
بكذلتك شد ركبتي وطلع الروح
اريد انهى بعد تتقرب عليك
انت بحضني بس اعتبرك بعيد
اريدن هيج كون انا انخبط بيك
ابياشارع مشيت كبالي الكاك
ادور بغير شارع حافي الكيك
ارد للبيت كبلي الكاك بالباب
اطب كبلي تطب وتكلي اتانيك
تالي الليل اكلهم باجر انساك
افز من غبشة الله واحجي بس بيك
بغيرك فكرت حتى انساك
طلع غيرك يشبهك فكرت بيك
الشاعر
عبد الحسين الحلفي
تنقل المشاركه للشعر الشعبي
رد: ماجال بخاطري
رد مع اقتباس
