بهجرك راح عكلي مالفاني
وجثير اشعار لجلك مالفاني
رحت آركض بهيمه مالفاني
ادور اعليك يل رحت من اديه
جرحك مابره ولادار حوله
بدليلي ومن بديت الشرك حوله
الوكت ينظر عليه بعين حوله
سلب روحي وطلع مشتبه بيه
انا الصياد صادتني شبكتك
ودخيل اللة شكثر حلوة شبكتك
ادك عليك مشغولة شبكتك
اظن مغلق جهازك بس علية
رخى كلبي علمودك منرخصتك
وسومن بيك غالي منرخصتك
دست فوكي دكلي منرخصك
حته براحتك تسحك عليه
________________
على سنيني الدهر بدموع خطك
واگص الرجل كون تعبر خطك
شوآنه اتصل مشغول خطك
أثاري أثنينه نخابر سويه
(بردان):
سجاجين الوكت بحشاي بردان
حزني وصرت بالصيف بردان
صرت مجبور اشد اردان بردان
ولا امد للشماته اجفوف ايديه
________________
بعد كفي الصبر روحي وملي
بعد ماظل دمع ينصب وملي
الشدايد تظهر لضدي وملي
النفاها تبين الضدي اليه
أحبك ياجميل الوجه والطول
لاتبعد علي بالهجر والطول
مو بالعرض حبك نبت بالطول
حبك مزق ثيابي العليا
_أمفارك وأليالي سنين (مرن)
وعلي صاير لذيذ ألزاد( مرن)
طفر كلبي على ألنقال (مرن)
لئن حسيت أنت أدك عليه
من مثلي صبر عظيم ماهم
وجثيره أصحاب وين أصبحوا ماهم
شما يثكل عليه المرض ماهم
أهم بفراككم يصعب عليه
علي دارت الدنيه رحاها
جفتني اوماضكت ساعه رحاها
/جثيراعزاز اهي الصفكت رحاها
/اهملت دمعات من تيزاب هيه
عجب مكتوب منك مايلينه
بعدنه بديار اهلنه مايلينه
عطشنه وردنه ميكم ماي لينه
يبردنارنه المنكم سريه
هله يلبيك عزي اوبيك ياهاي
اوهله بلماترده الزلم ياهاي
حرت شفديك مدري ابهاي ياهاي
البيابي اثنين اوديهن هديه
وي وحش الفله اتخاويت بالهام
ألم صبري انعجن وانداف بالهام
من دهري اقبلت ساطور بالهام
ولا شوف النذل يكبر عليه
الك ساس بعشرتي اوياك صبيت
وجنني الهوى وبالعشك صبيت
انجان انته عليه اموع صبيت
بجيت اعيون من فركاك اليه
الغيرك مايكول الكلب مرحب
_من بعيد اشوفك صحت مرحب
_مثل طبرت علي من طبر مرحب
_طبر روحي هواك وعم عليه
شبج وصرخ إعله الروح شبجي
وبجي ومايجيني البجي شبجي
أذب شبجي أويلتف علي شبجي
أصيد إهواي بس صيداتي بيه
بهجرك راح عكلي مالفاني
وجثير اشعار لجلك مالفاني
رحت آركض بهيمه مالفاني
ادور اعليك يل رحت من اديه
عشرتك صدك روحي ماتملهه
وحياتي ايام صعبه ماتمله
أريد أنصب لروحي مأتم ألهه
وشوفك هم تجي وتبجي عليه
غرامك بالگلب حافر وناقش
سرت نيران تحرگني وناقش
أريد أگعد معك أحچي وناقش
وگلك لشوكت تقسي عليه
(( منقــــــــــول ))
نرجوا كتابة كلمة منقـول للأمانة الأدبية ومنعا للحذف لاحقا ً
مختارات من الابو ذية**
رد مع اقتباس
المشاركة الأصلية كتبت بواسطة نجوی
