استراحة الشعر والشعراء وكل احباب الشعر الشعبي ترحب بكم احبتي

[أنثى شرقية]

ومضه اترس قلمك ذهب

ومضه
____________
اترس قلمك ذهب
لو رايد كتاب
كل جلمه الك تتسجل ابهوسه
لان حسين اغله من الذهب
شنهي الذهب جنه حسين ونبوسه

______________
بقلم خادم اهل البيت(ع)
(عبدالله الشاعر )

[طيبة النجف]

صباحكم خير احبتي

لعيونك امشي ابليل لو تمطر ارماح
اليمشي للأحباب مو وسفة لو طاح

[امير الربيعي]

انا من حبها ..والله
وانا من اتى بالقرأن
اقسمت لها بحبي
ووعدتها بالوفاء
لن احب بعدها
ولن اعشق سواها
هي الاخيرة كانت
لكنها.....خانت
لكنها...باعت
لكنها..خسرت
انا حقا الزمت نفسي
بالوفاء لها
ولن اخسر وعدي
لكني ...!!
لن اعود لها

[طيبة النجف]

الى امير الربيعي

الدنيا بعيون الحزن بجفاك شافتنا
وجروح بينا اتركت ما يوم شافتنا
يادنيا راح الوليف الجان شوفتنا
ابعد علينا وترك وسط القلب عنا
وما مرة حث الجدم لديارنا وعنا
حيرني امره الكبل ما يوم صد عنا
صد ونسانا ولا عاد يريد شوفتنا

الله كريم يا امير وكولشي بي صالح

[طيبة النجف]

صرت كهوه لحبيبي بوسط فنجان
فن انس الي يوصله فن جان
اذا العاقل نضرلك نضره فنجن
وانه المجنون وتكلي انظر اليه

[طيبة النجف]

اجروحي اتحرشن بيه وعالن
وانه الماكاشف اهمومي وعالن
بحلات النوم فز كلبي وعه لن
أخوتي وربعي صفو جتاله اليه

[طيبة النجف]

عضاي منين ماترتاج تلام
وعلي وكت المنام هموم تلام
المثل روحي غلط ياناس تلام
لانه مفاركه البيهم حميه

[أنثى شرقية]

مالوم انه الدهر لو جرد سكاكينه
والهم يهواك ما ونت سكاكينه
محمل غرامي شله وانحطت سكاكينه
وبقيت محتار محد نظر بي عظ
والنصح ماجاب كلب الميتم وعظ
اصبحت ملجوم واصفك بجفي واعظ
مثل الجمل لو طاح كثرت سكاكينه؟