رد: شتاء ملتهب!!
لو نسم اعذيبي الهوى
وبعده الندى يندي السنابل
غبشة وغسل وجه الصبح
وي صوت حادي وشايل
ومن يبتسم سن الشمس
للسنبل اليستاهل
يهتزن ارموش الصبح
نعسان بعده وذابل
تتمايل اخيوط الذهب
والعود بيهن ناحل
اهناك ترس اذني سمعت
بالشاطي صوت النايل
فرفشت روحي اويه النغم
ولكيت ولفي العايل
لني احسب الحساب اليود
والفركة سم وجاتل
لمعة ابريسم ناعمات
اينودن اوياها الجدايل
وهي عالشط وتغني
يا مدلل ليش شايل
ومو ندى البلل السنبل
ثاري طشار الدمع عالوجنة سايل
وملختلي ابتوت كلبي
الصوت بي بحة وشجي ومتواصل
بس آخر انواعيها كالت
ما بكه لا راس مال ولا لي حاصل
ما بكه لا راس مال ولا لي حاصل
رد مع اقتباس