طفلة وتنظر......بقلمي
طفلة وتنظر..............هاي الحالة
******************************
عين وتنظرعل الأجساد
وانتة اتصور هذا الحال
اشاهد بس اجدام جياد
تسحك بصدور الأبطال
أمر محير.........وانته اتصور
هاي الحالة
*******************************
محد مر بهذا الموقف
خيل وظلت بيهم تسحك
موقف لتصدك يتوصف
لاراعوا دين ولاظل حك
هذا المنظر..........وانته اتصور
هاي الحالة
********************************
ماصارت طف ولاحومه
العباس يكطعون جفوفة
وعله الغبرة اتضيع ارسومه
ورضعان اسباية ومجتوفة
وليل مكدر...........وانته اتصور
هاي الحالة
********************************
اطفال وظلت محتارة
لاخيمه العدهه ولاماي
هذا الطف وهاي اسراره
وشحجيلك اكثر من هاي
وتريد اكثر..........وانته اتصور
هاي الحالة
********************************
جسم وعالغبرة موذر
ياعين اتصد وتشوف
حسين ومذبوح المنحر
وراعي الراية بلايه جفوف
كلب اليصبر...........وانته اتصور
هاي الحالة
بقلمي الشاعر
عقيل كريم الشويلي
قرأت بصوت الرادود الحسيني
مله حازم البزوني
رد مع اقتباس