النــــخــــــــــلـــــــــــــــــــــــــــه

[الكناري يونس الجبوري]

كون ينباع العشگ
حتى اشتريلك
مايكفي من العشگ
بيه تشتريني
تشتهيك الروح
چن شهگه بصدرهه
هلبت بطيف اليمرلك
تشتهيني
ساهرتلك عمري ذاك الراح مني
وماغفيت
الا لو ساعة بخت
طيفك يجيني
طشرتني
صم ملح فوگ الشواطي
گوم لمني
لا يجي المد اعلى ساعه
ويحتويني
بذره شوگك بين كتريني ازرعتهه
وخضرت .... اي خضرت ..
بس بلهفتي
وانتظاري
وماي عيني
شلتك بنص الگلب عمر اعلى حاله
وانت اصبعك لو تمده
توفي ديني
انتظرتك
يوم
يومين
وثلاثه
وضاع عمري
وايست
من شفت ظلي
اعلى عوچيه وكف
وصفگت بثنين اديه
تحسفت عمري الخسرته
وحتى شوگي اللي زرعته
يصيحلك ياللاسف
كلشي ضاع
وحتى دمعي الچان يجري
وشل بعيني ونشف
باوعت للبذره..... بلكي
شفت نخله بداخلي
بليا سعف

بقلمي
محمد عبود العبودي

صح لسانك قصيده في قمة الروعه
تقبل مروري وتعديل للحرفين گ - چ من اجل جمالية النص
تحيتي لك اخوي محمد وكل عام وانت بالف خير

[محمد عبود العبودي]

صح لسانك قصيده في قمة الروعه

تقبل مروري وتعديل للحرفين گ - چ من اجل جمالية النص
تحيتي لك اخوي محمد وكل عام وانت بالف خير

تحياتي الك حبيبي يونس الجبوري
بس ممكن تعلمني شلون اكدر اكتب
هاي الحروف
واكون ممنون