استراحة الشعر والشعراء وكل احباب الشعر الشعبي ترحب بكم احبتي

[الشيخ ابوحيدر]

ضعن ناس النحبهم راح يروان

ودمع عيني عليهم صار يروان

يكَلبي لاتبطل نـــوح يـــر وان

وضل اشرب حزن حد المنيه

بقلمي اخوكم الشيخ
ابوحيدر
9|11|2010

[شهد الاسدي]

موضوع جميل جدآ شكرآ للغاليه طيبه النجف على روعه الفكره
وما سأكتبه هو نقلآ وليس بقلمي
يمن بيك الجمال اتعده الحدود
ومن خدك خذوا لمعات النجوم
نحضر اهدوم حلوة لخاطر العيد
وانته العيد لجلك يشتري هدوم

[شهد الاسدي]

السر بمحبتك من اريد انساك
شما أنساك احبك أكثر وأكثر
أنسه وأنشغل وبعزة النسيان
أتذكر نسيتك وارجع اتذكر

[شهد الاسدي]

شفتك مشتعل ردت آنه اطفيك
ولأن رجلية ميته ازحوف اجيتك
ومشلولة الإدين وصعبة اشيل الماي
افتحت شريان گلبي وبيه طفيتك

[شهد الاسدي]

نضحك بالچذب ونضمضم الدمعات
ومكابر نشد احزامنه البايد
چم دوب الصبر نگضي العمر صيام
والعيد اليمرنه اتقشمر انعايد

[شهد الاسدي]

بيه كل التعب من هذا الزمان
تعب اكبر من حدودي وطاقتي
ردت آخذ راحتي مرة ابتليت
طلع واحد غيري ماخذ راحتي

[شهد الاسدي]

موش اعيون عدنك صدك اولايات
تفر بيها القوافي والشعر يبحر
ردت مرة أوصف اعيونك احتاريت
بديت برمش منك خلصت دفتر

[شهد الاسدي]

القناعة اتضيع مني امن التقي اوياك
وعيني لشوفتك ماعاد تكفيني
ولأن يرادلك عين بكبر بغداد
راح بإيدي اوسع خارطة عيني