أتذكرتكم

واذكرت سنتين من عمري المضة

ناسيها عدكم

أتذكرتكم

والكَلب من نومته

فز ومشه يدور أثركم

ياعشرتي الماتصح عشرة مثلكم

ويادمعتي الحايرة أدَور جفنكم

ياورد بستان عمري

الماعرف بس فيْ عطركم

ياجنح فراشة ينزف

مايموت ألا أعلة ضيكم

اتذكريت

وهاجن أجروحي الغفن بسكوت

بس يبجن بُعدكم

اتذكريت

وكل عذاباتي القديمة

انمسحت وكتبت اسمكم

تصوريت اكَدر أعاند

واكَدر آنسة اشكَد أحبكم

تصوريت اكَدر أكابر

وامسح الجلمات من كَلبي ألحملكم

شكَدر آنسة!!

وبالكَلب شريان مرسومة صوركم

شكَدر آنسة!!

وانيّ ليلية بحلم ياخذني يمكم

ياجروحي الغافية بلذة آلمكم

ياعمر ضيعته بيدي

واعترف أني أخسرتكم

ياقصيدة انكتبت بدمع الندم

لمن عفتكم

أني غلطان اعترف

من سمعت الواشي ذمكم

ثاري هاي الناس كلها أتغار

من طيبة كَلبكم

كون ترجع ياحبيبي

أعيوني اطشنها بدربكم

كون ترجع

والله أسوي الروح

عطابة ألجرحكم

*********

مع تحياتي
الشاعـــــــــــــــــــــــــــــــــــــــــر
جلال البطاط