السلام عليكم جميعاً
هذه الابيات اهداء كتبتها واهديتها
لمن سكن فؤادي
وتربع على عرش قلبي
بأختصار
اللي ابالي

كلشي من عندك حلو ….......الكَمر من عنده حلاتك
انت احلى من الحلو ........…..وصدكَ احتار بصفاتك
انت ايه من الحسن .............. كل جمال الكون بيها
وروحي بعدك يا حياتي...... تروح فدوه وشلي بيها
عليك كصه تكول مرمر....... مرمرتني وحرت بيها
موتتني انت بكذلتك .............. تنزل وتحييني بيها
خدودك انت الله واكبر ...... محمرة تلمع منها بيها
عيونك انت احتار بيهن ........ صفنتني ودخت بيها
شنهو انت وياهو مثلك
تموت انت اوصاف حسنك
احلى ريحة عطر منك
وانسى كلشي من اذكرك
كون ابوسك كون اشمك
اتحّير انت بطول شعرك
وتكتل انت بحجم خصرك
اااااخ يا بويه من احضنك
انسى كلشي وانسى اسمك
يا حبيبي احترت بأمرك
جوري خدك عسل شفتك
احلى عين اوصاف عينك
واحلى لوحة رسم وجهك
من تمرلي دخيل ربك
تصير هوسه بمنطقتنا
وكلها تركض كلها بعدك
واخر حجايه ارد اكلك
اسمعها زين دخيل جدك
انه احبك والله احبك
وابقى احبك موت احبك

حيدر القريشي

اهداااااااء خاااااااااص
الى شخص حفرت اسمهُ في داخلي
فتحياتي من هنا لهٌ
وتحياتي لكم جميعاً