السلام عليكم
بالبدايه احب اوضح لبعض الاخوان هنا ان المنتديات هي منبر للطرح الفكري وموجود فيها تباين الاراء ووجهات النظر
يعني بالمختصر المفيد مو لازم نزعل أو نتخذ موقف معادي ميه بالميه لما نشوف احد يختلف عنه بالرأي
وهذا طبعا بشكل عام وينسحب على كل المواضيع
طرح الاخ ايليا موضوع بالتاكيد هوه ماكان يدري ان الي ينشرون مثل هذي المواضيع يسعون الى النقطه الي يصل عندها الاخرون للإختلاف ومن ثم التضاد والعداوه وان شاء الله مانوصل لهذي النقطه
اعتقد ان ايليا الغانمي اقتبس الموضوع وماكتبه راد يعبر عن شئ بنفسه تجاه الصمت العربي ومشاركة بعض الحكومات العربيه في ما حصل للعراق..
الاخت نور الهدى كان لها موقف رائع واقدره واحترمه كل الاحترام لكن هي ما كدرت تعبر عن رأيهه بدون هذي الغيره والعصبيه على الهويه العربيه الي يحاولون البعض ان يلغوها ويلكون هويه جديده للعراق
مثل ماشفنا بروز الكثير من الاحزاب والتوجهات الي تبحث موضوع أمه عراقيه منفرده وهذا امر مانقبل بي نهائيا
ماراح اوصل للنهايه هنا لكن اريدكم انتو توصلون ويارب باقل خسائر ممكنه
لكن احب اوضحلكم شي ان العراق بلد عربي والجزء الكبير من الامجاد العربيه حققه العراق لذلك مو بالساهل ننسى احنه او ينسون العرب ماححققنا ولا راح نتوقف عند هاي النقطه
الشعب العراقي والشعب العربي واحد اما الحكومات كانت تابعه لايران او لامريكا او لاسرائيل فمثل متشوفون بدأت تسقط حكومه بعد الثانيه وعائله بعد الاخرى
تحيه لك يا نور وتحيه للغانمي


اخـــــوكم ديــــار