هم شايف جـــرح يشبـﮕ جرح وينام
بـــس نامـــن گـلتلك لا تفـززهـــن
تتعمـد تلـﭼـمه الجرح خاف يطيـب
ونـه جروحي سنابل خظـرن كلهـن
مـايرضن فــــلاحه وهنه ممـدودات
ومـــارادن اديــــــن الغيــر تلزمهن
شـﮕ بيهن ﭼـبيرمن القهــر بـﭼـفاك
بـــس لفـــن شليــل الضيــم بجببهن
تســودن جرح بيهن طلع صاح احاه
تبرن منـــــه كلهن خاف يشهــرهن
هــم شايف جـــروح تواسد السجين
يتلـﮕـنهـــــا بهله ويفـرشــن كللهن
يتعنــــــن للملح ويبـــوسن الشفتين
ويحطنـــــه بوسطهن خاف يتركهن
ملهوفا ت هنـــــــه مشابـﮕ الولهان
يشبـﮕـنك وانتـه بحقـــد تشبـﮕـهـن
تحطلهـن ملــــح بيـــدك يبـد الــذات
ويكيفــن يسهـرن يـــــوم تلـﭼـمهـن
هم شايف جـــرح يشبـﮕ جرح وينام
بس عـدي الجروح العشـﮕ سودنهن
كبرن هل جروح وطلــع بيهن شيـب
وكل ظنهــن أذا مالـــــــــن تعدلــهن
تتوﭼـه عليهــن گـمــت فــوگ الظيم
ماحسيت بيهــــن عرگـــت كَصصهن
هســه الراح راح واحنــــه ولد اليوم
لو كلمـــت احبـﭼـــــــــن لوتذبحهــن
بقلم الرائع الشيخ ابوحيدر الشويلي
مماراق لي
ارجوا ان يعجبكم
رد مع اقتباس