ما نسيتك
لملميتك يا ندى مبعثر على الوردات
وي طرت الفجر خايف لكيتك
ولملميتك صفنة صفنة وذكرى ذكرى
ودمعة دمعة وكبريتك
وجيتك اتهجالك حروف العشك مثل الاطفال
وصرت تقرة ..... صرت تقرة
واني صـــــــار سنين احاول ما قريتك
وكالو بعد متخضر بقلبك محبتي
جيت اناغيلك شعر مسقي بدموعي وخضريتك
وشلتك بروحي عطش كل هالسنين
وانت تغرك بالعسل كــد مـــا رويتك
وعصرت كل عطر البروحي الك بثنين ادية
وجيت يمك عطريتك
وجنت اكل للنـــــاس غركني بحنانة
وهمة بعيوني لكــو دمهة اذيتـــك
وما نسيتك .....
هي هاي المشكلة التاكل بروحي
اني ناسي وجوه ناسي
الا انت ما نسيتك .....
وية عمري الكاك تمشي
أمبسمر بجفني وية رمشي
شرد اكلك وانت كلشي
انت فرحي الما لكاني وما لكيتك
وهسة وينك ...... هسة وينـــــك
مو خلص على دروب الي بيهه اتنطيرتك
وهسة وينك
كالو با اخر الدنيا باجر تشوفة
جيت امشي ..... وصرت ازحف
وصلت ميت واعتنيتك
وكسرت خاطر العالم بجو من كثر متوسليتك
ليش يا قلبي تضل هيجي على نيتك
وكلي منو اليتحمل هسة خطيتك
اه يالخلوك وحدك
وانعرف للناس سيطك
واه يالمختنك دومك
والهوة ما دخل ريتك
اي شجاني .... اي شجاني
بماي حبهم جيت بيدية سكيــتك
ليش صدكت الشمس باجر
تدك الباب واضوي على بيتك
وليش صدكت الحجي الجذاب من كالو
نطش اعمارنا ورود لمشيتــك
اليمتة يا كلبي تظل
هيجي على نيتك ....
.................................................. ............
للشاعر المبدع حازم جابر
تحياتي رنووووووووووو
رد مع اقتباس
