شينسي الكلب يلصرت عنواني...

[الشاعركريم السلطاني]

مانسيتك انا ولانكرت هواك
لاكن مبتعد من صالحك اني



مااريدن اكونن سبب تعبك دوم
ومارايد تظل باحزان وتعاني



لو كلفت تكره حتى اسمي بيوم
وبعيونك اصيرن مجرم وجاني



لان ماريد يوم الكاك مهموم
ولا اقبل تظل موجوع وتاني



راح ابتعد عنك مو لان انساك
شينسي الكلب يلصرت عنواني



تدريني احبك مدمن انا عليك
وانت اغله الحبايب واغله خلاني



اغله من الكرايب واغله هااي الناس
وانا بعدك حبيبي امسيت وحداني



راح ابتعد واعمي العين من فركاك
اخاف تحب بعدكم تشهد اجفاني



وحك عينك عزيزه ادموع هاي العين
ولو تدري القرار اشكثر اذاني



وماابجي جذب بفراك كلمن جان
بس بعدك حبيبي دموم بجاني



مثل بيت وبعادك هدلي الاركان
شلع ساسي شلع مارحم حيطاني



واخاف تمر عليك اجنازتي فد يوم
اريدك ياحبيبي تصير دفاني



اكتب فوك كبري ابدمع من العين
ماعاشر حبيبي وخاني بثاني
اللة عليك على هذة القصيدة الرائعة
السلطاني

[نبع المحبة]

شاكرة تواجدك العذب

انرت وعطرت المكان بقدومك البهي

لك ودي