الـــه اكـــلك

[محتاره]

اله اكلك
ما اكلك شرد اكلك .....
هم عتاب
عمت عيني شكد غشيمة ......
ترجة ماي من السراب
وشرد اكلك هم احبك ......!!!!!!
نهجم بيتج لا يروحي......
شحملت بحبك عذاب

وشرد اوصفك .....
وانتة نصي
نصي الايسر .......
والكلب بهمومة ذاب
ويا مصيبة شمحلة طعمك....
احلى من طعم المحبة...

وية الكمر لو نورة غاب

ويا دوة لعلة كل مريض....

والشرب منك يولفي ...

بسرعة طاب

ويا سكم وبريجي حنضل ..
ومن محبتك راسي شاب
وارد اذكرك ....
شكد بجيت احبيبي يمك
شكد حملت هموم لجلك ...
شكد كعدنة انسولف انة وياك يسمر ..
ومن اشوفك عل الصدر يفلان اضمك
وما حسبت فد يوم تهجر....
وللحزن تفتحلي باب
وما شفت فد يوم بلبل
عاف ربعة .....
وكام يمشي وية الغراب
ولا يولفي ما الومك ...
وما اكلك حتى لو جلمة عتاب
ما اكلك .... ما اكلك
حتى لو جلمة عتاب
الشاعر علي جويد البزوني

[امير الاحزان:]

ما اكلك شرد اكلك .....
هم عتاب
عمت عيني شكد غشيمة ......
ترجة ماي من السراب
وشرد اكلك هم احبك ......!!!!!!
نهجم بيتج لا يروحي......
شحملت بحبك عذاب
0000000000000000000000000000
كلمات ولا اروع منها خطتها اناملك الشجية
بوركت عزيزتي لهذا النقل الرائع
ولشاعرنا اجمل تحية

[سلام الدراجي]

كلمات رائعه عاشت ايدك محتاره ويسلم الشاعر الذي خط هذه القصيده

[شاعر غرام]

نهجم بيتج لا يروحي......
شحملت بحبك عذاب

الله يامحتاره والله حيرتينه
شنكول كلمات روعه قليله
أبحق هذه الكلمات ولايسعنا
سوى أن نقول دمتي لنا وننتضر
ماهو جديد وأرجو أن تتقبلي مروري
المتواضع وسلام

[محتاره]

شكراً لكم من القلب على عبق مروركم

دام لي حضوركم

مودتىى